المساعد الشخصي الرقمي

مشاهدة النسخة كاملة : رحله يديده للمدينة الترفيهيه ،،،،.

F.R.I.E.N.D.S
01-14-2006, 02:06 AM
السلام عليكم ورحمة الله وبركاته

اليوم بنوديكم ان شاءالله في رحله للمدينة الترفيهيه ..

[Link nur für registrierte Benutzer sichtbar]

هذي واجهة المدينه الترفيهيه

يالله نتوكل على الله وندش داخل المدينه الترفيهيه وأول ماتشوف بويهك هاللشي ^_^

[Link nur für registrierte Benutzer sichtbar]

ممممممممممم والله شكلها يساعد على أن نركب فيها شرايكم ؟؟

يالله تعالوا تعالو عشان نركب ^_^

[Link nur für registrierte Benutzer sichtbar]

ممممممممممممممممممم ها فيكم شده ؟؟ لا فيكم شدّه ادري ^_^

وتبدأ اللعبه بالصعود إلى أعلى فترتفع وترتفع وترتفع الى ان تصل إلى أعلى نقطه وتقعد تفتر فيك داير مدار المدينه الترفيهيه

فتعالوا الحين نشوف معالم الترفيهيه من فوق ^_^

أول منظر يطق بعينك ماشاءالله هالمنظر

[Link nur für registrierte Benutzer sichtbar]

برج التحرير ومعالم مدينة الكويت العامره ... عسى الله يحفظها

وتفتر وتفتر وتظل تفتر بعد

[Link nur für registrierte Benutzer sichtbar]

أحد معالم الترفيهيه

وراح تشوفون بعد لعبة البرق

[Link nur für registrierte Benutzer sichtbar]

هذي اللي شفتوها هي سكة لعبة البرق

وخلوها تفتر بعد شوي ^_^

[Link nur für registrierte Benutzer sichtbar]

طريق لعبة السيارات الأوروبيه والتجول حول معالم اوروبا ^_^

ونشوف بعد لعبة قطار الموت هههههههههههه اخاف صج موت عاد بس اهو بيني وبينكم يخرع شويه مو وايد ^_^

[Link nur für registrierte Benutzer sichtbar]

ونشوف من ضمن المعالم اللي راح تشوفونها وتلعبونها لعبة الجندول الاسترالي

[Link nur für registrierte Benutzer sichtbar]

شرايكم شوي نشوف شكو ماكو في لعبة الجندول ؟؟؟ ونشوف بعض الناس اللي راكبين لهم جم جندول ويحوسون

[Link nur für registrierte Benutzer sichtbar]

[Link nur für registrierte Benutzer sichtbar]

طاق اللطمه الحبيب ^_^ أهم شي الياهل اللي منخش ورى ظهر ابوه ههههههههههههه

جنكم تشيشتوا مو ؟؟؟ شرايكم ننزل من هاللعبه ونروح على طول الجندول ونركب ؟؟؟ يالله فووووووقه

[Link nur für registrierte Benutzer sichtbar]

أووووووووووووه شكله الحماس طاغي على الشباب

يالله كا وصل دورنا خل نركب

[Link nur für registrierte Benutzer sichtbar]

إيــــــــــــه استعنا عالشقا بالله


[Link nur für registrierte Benutzer sichtbar]

وانيي حق اول صعده عشان نصعد ونمشي فوووووووووووووق هام السحب

وهذاك جدامنا جندول ثاني سابقنا يالله مو مشكله انحاول نلحقه هههههههههههه

[Link nur für registrierte Benutzer sichtbar]

ونمشي فوق في وسط الانهار والناس تحتنا واحنا فوق .. خو اكيد الناس تحتنا واحنا فوق يعني شلون بالله صاعدين لي تحت ؟؟ انزين لحظه شلون نهر معلق فوق ؟؟

مايصير بعد

وكل مالنا ونقرب من الشلال والغرقه

ههههههههههههههههههه كاهي النزله رحنا فيها

[Link nur für registrierte Benutzer sichtbar]

يالله خربانه خربانه عادي

هوووووووووووووووووووووب وطش بالماي

طبعا اللي معاي وهقوني خلوني أول واحد واهمه انخشوا وراي

اثاري بالاخير انا اللي كليتها من الماي واهمه ماحاشهم الا شي بسيط

[Link nur für registrierte Benutzer sichtbar]

ونكمل في وسط الغابات والاشجار لي حد مانوصل الى النهايه وكيلو ماي على ملابسنا

[Link nur für registrierte Benutzer sichtbar]

هههههههه هذيل اللي كانوا سابقينا والله بغينا نصيدهم بس ماقدرنا ^_^

مو مشكله سهالاات ان شاءالله ... يالله خنروح حق لعبه ثانيه ... ها وين تبون ؟؟

ممممممممممم خنشوف جم لعبه عالماشي واحنا في طريجنا نتمشى

لعبة المنخل

[Link nur für registrierte Benutzer sichtbar]

اهم شي اللي ايده طالعه بالوسط جيكوا يم اللي واقف في ايد طالعه من الوسط .. شكله انخض خضّه سنعه ^_^

والا اللي منسدح مناك على صوب ... غلطااااااان نام بعد أحسن

خنشوف لعبه أخرى ^_^

[Link nur für registrierte Benutzer sichtbar]

هذي خوش لعبة اتونس ^_^ بس لاتوقفون تحتهم وتطالعون في اشياء تتحذف خارج نطاق التغطيه ترى ^_^ هذا انا علمتكم وانتوا كيفكم عاد وقد أعذر من أنذر

خنشوف لعبه ثانيه عالماشي .. وهية لعبة الاعصار اظن اسمها جذي او شي من هالقبيل والله مو متأكد ... يبا تدرون شلون هذي اهيه

[Link nur für registrierte Benutzer sichtbar]

اكيد عرفتوها .. عاد النوعيات هذي من الالعاب انا اقولكم شيصير .. اول شي الواحد يكون عادي ماكو مشكله بس من ترتفع شوي فوق وتقعد تقولب فيكم يمين ويسار وفوق وتحت ... يعني اتخيل في يوم من الأيام بطنك يصير فوق وخشمك تحت والحاله عفيسه مو طبيعيه واتحس بتقلبات معويه وكل شي يصير فيك ... عاد وفي نفس اللحظه وانت قاعد اتابع في أمان الله ماتشوف الا شباصه طايحه عليك من فوق ... ملفع بالغلط ... نعل عزكم الله ... ممممممم موبايل بالغلط شوي والا سويج سياره ... اشوي والا ساعه ماركه اتجيّك عليها عدل والا تطلع تقليد ^_^ من جذي افلتت من ايد صاحبها .. شوي والا لاااااااا الوضع تطور عالآخر ... حزام طاير عليك اوله هذا شلون طاح هالحزام ؟؟ ... مو اقولكم الواحد فوق يحس بتقلبات معويه فتاكه تفتك بالواحد

مو مصدقين ؟؟ تعالوا الحين شوفوا الدليل لما عامل التنظيف يقعد ينظف المكان من بعد ماتخلص اللعبه ^_^

[Link nur für registrierte Benutzer sichtbar]

يالله خنروح حق لعبة البرق ونركب ونلعب ... بس ترى عاد شوفوا نزلوا اغراضكم وحطوهم بصندوق الأمانات انا مو مسؤول عن اي شي يضيع منكم ^_^

[Link nur für registrierte Benutzer sichtbar]

هني في بداية الصعود ودايما كل مره اركبها لازم أول واحد ... اي حق التوهق زاهبين الجماعه

يالله خنشوف شتسوي

وبدأت بالتحرك

وكل مالها وتصعد تصعد بنت ابوها

[Link nur für registrierte Benutzer sichtbar]

[Link nur für registrierte Benutzer sichtbar]

وليـــــــــــه اعتفسنا واعتفسوا الاوادم ... ريولهم صارت فوق وعيونهم تحت ليش عاد هالعباله ماله داعي

[Link nur für registrierte Benutzer sichtbar]

طيري طيري ياطياره انا بعدي صغيره وعنونه ... هني عاد تقعد تسمع اغاني ملخبطه فوق تحت ستين الف لحن يطلع بوقت واحد

[Link nur für registrierte Benutzer sichtbar]

يالله بس خلاص .. انا اللي بس خلاص .. وصلت اللعبه للنهايه قواكم الله ياشباب

ها بشروا شنو صار وياكم ؟؟

يالله خنروح انصف دور عشان نركب قطار الموت .. أي شي بس قطار الموت ... اهو استريح بس

عاد واحنا صافين دور ... نشوف هالحلوين واهمه راكبين القطار

[line]

يتبع......
F.R.I.E.N.D.S
01-14-2006, 02:15 AM
[Link nur für registrierte Benutzer sichtbar]

ممممممممممممم جنه شي جميل ... يالله عاد على ماوصل دورنا والا الدنيا ظلمت من الزحمه ^_^

عاد هالمره مالقيت الا اقعد آخر واحد واجكجك

[Link nur für registrierte Benutzer sichtbar]

هني لحظة الصعود الى الأعلى عشان بعدين تجفت رواسي وبعدين عاد فجج عمرك

المهم اهيه صعدت صعدت وصعدت بعد ... جاااااااااااااان تقعد تقولب فينا يمين ابـ يسار

عاد انا قلت خل اصور وبعدين اشوف الصور شلون بتطلع

هههههههههههههههههه تعالوا شوفوا الضحك

[Link nur für registrierte Benutzer sichtbar]

هني من أعلى قمه في لعبة قطار الموت... يالله ماعليه

[Link nur für registrierte Benutzer sichtbar]

هههههه ياسلااااام فن تشكيلي ؟؟؟ شنو هالشخابيط ؟؟

تقول ياهل توه متعلم يكتب ماسك قلم وقاعد يشخبط ^_^

[Link nur für registrierte Benutzer sichtbar]

هني عاد وصلنا خط النهايه لووووووول الكاميرا الظاهر من الخرعه اللي حاشتها ماقامت اتصور عدل هىهىهىهى

المهم خنروح داخل إحدى الصالات المغطاة وندش ونشوف شكو ماكو هناك

[Link nur für registrierte Benutzer sichtbar]

بيــــــــــــــه شاخباري ياريّال يحليلهم ^_^

[Link nur für registrierte Benutzer sichtbar]

ممممممممممممممم هذي شنو؟؟؟ الله يخضها ان شاءالله شكلها خضّت الاوادم اللي فيها


[Link nur für registrierte Benutzer sichtbar]

اوله اوله ليش ليش ؟؟ يامعودين السقف شوي شوي .. جندس جندس يافلان عاد ترى انت كلش مو طويل

يالله خلاص خل نطلع ونروح حق الدردور ^_^

وركبنا لعبة الدردور .. وهي عباره عن شي مدور جذي مثل الصحن تقعد فيه ويقعد يفتر فيك ويمشي وسط شلالات مائيه عاد ترى موشي بالبرد ... وخصوصا الدقّه اللي صارت فيني لما يه الماي كله على ملابسي

[Link nur für registrierte Benutzer sichtbar]

هذا هو الطريق المائي اللي يمشي فيك

[Link nur für registrierte Benutzer sichtbar]

ههههههه ياك الذيب ياك الذيب

[Link nur für registrierte Benutzer sichtbar]

هني عاد هذا الدردور اللي ينزلك تحت والصحن يفتر فيك ينزلك في ممر مائي والصحن يطقطق يمين يسار

[Link nur für registrierte Benutzer sichtbar]

اخاف صج بس ؟؟ هذيل اشيبون ؟؟ هذيل سلمكم الله تشوفونهم بالطريج وانتوا رايحين للشلال

[Link nur für registrierte Benutzer sichtbar]

مممممممممممممم هني وصلنا للشلال ... عدسة الكاميرا انترست ماي

يالله ترى قربنا ندش بوسط الشلال ... لاعاد مايبيله خل انخش الكاميرا هههههه

[Link nur für registrierte Benutzer sichtbar]

عدّت على خير الحمدالله ... جت سليمه ياخويا ^_^

هذا الشلال اللي دشينا بوسطه شرايكم فيه ؟؟

يالله خنكمل طريجنا

[Link nur für registrierte Benutzer sichtbar]

طريقك مسدودن مسدودن مسدودن

[Link nur für registrierte Benutzer sichtbar]

هني عاد هذي نقطة النهايه لما توصلون بالسلامه بعد دولكة هالماي اللي رشت عليكم

وهذا الصحن اللي قلتلكم عنه تركبون فيه ويفرفر فيكم

وان شاءالله تكونون استمتعتوا ويانا في هالرحله الخفيفه الى المدينه الترفيهيه ونشوفكم في رحلات قادمه ان شاءالله

[line]

الموضوع منقول من الأيميل
SNAEK
01-14-2006, 03:28 AM
هههههههههههههههههههههههههههههههههههههههه
والله تبي الجد رحله روووووعه يا الغاليه
تقريباً تشبه مدينة دزني لاند<< الأخ يبالغ شوي خخخخخخخ
ويعطيك الف عافيه يا الغالي
MaTriX
01-14-2006, 03:39 AM
ما شاء الله والله انها جنه الله في ارضه
قال الحكير لاند قال
vip 911
01-14-2006, 06:07 PM
قال الحكير لاند قال

هههههههههههههههه
والله انك صادق ماطرالها بقووووه ولا تجي حولها
ومشكووور اخوي فريندز عالرحله الرووووعه
وربي لا يحرمنا منك يالغالي
bluebird911
01-15-2006, 07:56 PM
والله تبون الصراحة المنطقة الترفيهية من زمان ما رحتها بس يبغي لها روحة يوم كامل


يسلموووووووووووووو على الموضوع
badoori
07-18-2006, 11:55 AM
الله يعطيك الف عافيه
مرايم
09-03-2007, 01:20 AM
مشكور اخوي علىالصور الرووووووووووووووووووووووووووووووووووووووووووووووو ووووووووووووووووووووووووووعه