وش سويتوا في العيد .. يلا الكل يشارك معي الموضوع ..

[وجـ...ــه الطفولــ...ــه]

[Link nur für registrierte Benutzer sichtbar]

هلا ..

كل عام وانتم بخير ..

وعيدكم مبارك

من العايدين ..

ومن الفايزين ..

وعساكم من عواده.

وو..

بس خلاص هذي اللي تنقال في العيد ..

[Link nur für registrierte Benutzer sichtbar]

[Link nur für registrierte Benutzer sichtbar]

لازم كلكم تسمعونها ..

وقولولي وش ذكرتكم به ,, او وش حسيتوا به ..

انا عني .. ذكرتني ببيت خوالي :004:

زمان ..

كانوا يحطون على القناة الاولى ..

والبزارين متجمعين عليها ..

:1eye:

طايره عيونهم ..

[Link nur für registrierte Benutzer sichtbar]

خلصت المقدمه
نخش بالموضوع ..

..

بالعاده احنا ..

يوم العيد نجتمع في بيت خوالي ..

كلنا خوالي وبزارينهم وشغالاتهم .. ووو ..

ونمرح ليلة العيد ..

بس هالسنه الكل اعتذر وما جو الا العيد الصبح..

انا عني ما هانت علي جدتي العزيزه ..

قلت ابد .. انا بمرح عندهم ..

اوسع صدرهم .. وصدر الخروفات بعد ..

كنت مجهزه ربطات وفيونكات .. وحاجات تدنن ..

مجهزه برنامج ترفيهي للخروفات ..

بس للاسف .. ما جو الا الصبح وعلى طول انذبحوا ..

يا حياتي .. :schmoll:

جاء الصبح ..

وجت ماماتي مع خواتي ,, اول ناس

وتلاهم باقي خالاتي ..

قعدنا وفطرنا هالكبده :004:

وتجمعنا على دفاية امي .. الحمراء :cupidarro

ومر الوقت .. سواليف ,, على ضحك على مناقشات حاده..

وطبعا .. ما خلينا المناقشات السياسيه ..

عن هالمسكين اللي خلوه ضحية العيد .. حسبي الله عليهم

صدام .. :mad:

الله مير يرحمه .. والله انه رهيب ..

من جد ابفقد مدرسة المشاغبين اللي كان يسويها هو وربعه ..

عند القاضي ..

المهم .. كننا طلعنا من الموضوع .. :nosweat:

ومر يوم العيد .. بسلام وهناء ..

اليوم الثاني ..

رحنا لمزرعة عماني ..

[Link nur für registrierte Benutzer sichtbar]

وهالبرد ما خلانا نتهنا .. ما غير لازقين بها المشب..

الله بس يا حلو المشب ..

ونفس الشي مر الوقت على السوالف .. والضحك ووو..

من ضمن السوالف اللي .. تضحك

الله يسلمكم ..
...

عن شله من الشباب حول خمس اشخاص .. رايحين لمكه ..

يوم من الايام .. طبخوا قطو ..

الكل درا الا واحد .. كلا بالخمسه على ذا القطو ..

يوم شبع وقضى .. قالوا له انه ذا اللي كليته قطو .. :bleh:

عصب عليهم هالولد .. وقال انا اوريكم :icon28:

جاء اليوم اللي بعده ..

الكل كان نايم .. وهو قام ونزل طلع برا

الا يشوف هالتكرونيه .. اللي ترضع ولدها..

جاها يركض ..

قال عطيني كاس ..

وعييت ..

قال ابعطيك 50 ريال ..

وعييت ..

قال 100..

عييت

قال 150 ..

قالت .. 200 ..

قال تم .. وتعطيه كاس ..

راح لربعه .. وقومهم ..

قوموا قوموا .. جبت لكم هالحليب اللي يقطع القلب ..

ذوقوه قبل لا اشتري منه كراتين ..

صب لهم من هالكاس في بيالات

وقاموا ويشربونه ..

وانهبلوا عليييه .. ومن حلاوته ..

قاموا يلحسون البيالات ..

جاء اليوم اللي بعده ونفس الشي ..

راح للتكرونيه .. وعطاها 200 .. وجاب منها كاس .. :icon-mos: :icon-mos: ما شاء الله عليها هالتكرونيه تجرت :p

وشربوه ..

قعدوا على هالحال 3 ايام ..

ويوم من الايام الشله الكريمه كلها نزلت ..

ومروا على التكرونيه .. قال لهم الولد اللي شربهم

شفتوا هذي .. التكرونيه ..

تراها امكم كلهم ..
:jump:

من جد ردها لهم بشكل :13:

وبس هذا كان عيدنا ..

,,,

عاد انا الحين ابيكم تعلموني وش انتم بالعاده تسوون بالعيد
يعني تستهبلون والا تصيرون كن مبخوخ عليكم سبري
واذا استهبلتو وش تسوون؟؟
عطوني افكار حلوه وتوسع الصدر


فخلونا ندهر للعيد الجاي :047:

افكار صور هبال لا توفرون شي

[Link nur für registrierte Benutzer sichtbar]

[المحتار]

ذبــــــحـــــنــا الــضــحــيــه

[مهبولة لأسباب أمنية]

السلام عليكم ورحمة الله وبركاته


شخباركم مع البررررررررررررررررررررررررررررررررد .. :strongsad

بالنسبه << كأني استاذه .. :008: المهم بالنسبه للعيد هالسنه وناسه ماعليه والله وسعنا صدورنا واستانسنا :D

اول يوم نمت الساعه 3 وربع << هذي اخر ساعه شفتها هذاك اليوم قبل لا انووم

وقمت الساعه امممممممم ايه 9 ونص قمت وانا مالي خلق كانت امي تخيط بلوزه وقمت من ازعاج المكينه :sad_1:

وخواتي ماشاء الله ماقاموا الا الظهر اهئ اهئ وانا مرتزة من صباح الله خير :sad_1:

وبعدها ماعاد نمت طبعا رحت وتحممت وزينت شوشتي وكل شي لحد ماجت الساعه الظهر تقريبا 12 الا ربع

والذبيحة مابعد جت وامي كل شوي تدق على عمتي وتسألها <<< لان ولد عمتي رايح يجيبها ..

واخواني ماشاء الله عليهم كشخوا راحوا لعمتي من يوم قاموا << قهرر ماخذوني

وقعدت عند اابوي وهو يتقهوى و اتفرج على العربيه لين جابوا لقطات صدام ضاق صدري من الصبح الله يضيق صدورهم

المهم فرجت الساعه 1 وجت الذبيحه وقطعوها وزينوها في اكياس وكل شي

وهذي صورة راسه مسيكين لا ترتاعوون .. خخخخخخخخخخخ

[Link nur für registrierte Benutzer sichtbar] ([Link nur für registrierte Benutzer sichtbar])

وانا في هذا الوقت رحت علشان اختي تزين خشتي ولبست يوم خلصت اذن العصر وبعدين رحنا لعمتي وتقهوينا عندها وسولفنا وكل شي :shiny:
وبعدين قعدنا نستنا زوجات عماني علبالنا بيجون اثر ماعندهم ماعند جدتي ماجوا <<< عماني ثلاثه في الدفاع المدني ورايحين لمكة وواحد مسافر واعمي الصغيرافطر له كبدة مشويه ( تحبها قلوبكم ) وماتشوفون الا غبرته ويوم قلنا وينه قالوا سافر :no: كملت وعمتي الثانيه متزوجه وبرا الرياض يعني مافيه الا انّا وعمتي اهئ اهئ اهئ

بس وسعنا صدورنا واستانسنا وجت الساعه 10 ورجعنا بيتنا

وانتهى اليوم الاول .....

وجا اليوم الثاني عاد بنروح لخوالي وطبعا هم يسكنون خارج الرياض لكي نصل إليهم نحتاج ساعة تقريبا << اخس يالفصحى ..

طبعا عند خالي يجتمعووون على العشاء وحريم فقط بدووون رجال << هذا احسن شي

وكنّا انّا وخواتي وعمتي ( مو اللي معنا في اليوم الاول الثانيه اللي ماكانت معنا ) مسوين مسابقات وبرنامج يفتح النفس حلوو مرره << واثقه

المهم طلعنا من البيت وصلينا الظهر على الطريق ووصلنا هناك تقريبا 1
ورحنا لبيت خالي وعطونا غرفه فااااااضيه وقالوا اللي تبووون سووه في هالغرفه << اللي بنسوي فيها البرنامج

وبدينا عاد نتفخ بلوناااااااااااااااااااااااااااااااااااات لين العصر بعدين رحنا نتغدا

[Link nur für registrierte Benutzer sichtbar] ([Link nur für registrierte Benutzer sichtbar])


[Link nur für registrierte Benutzer sichtbar] ([Link nur für registrierte Benutzer sichtbar])

وبعدين رجعنا نكمل شغل طلعنا الهدايا ورتبناها ونظمنا كل شي كانت الغرفه نشاااااااااط هذاك الوقت اللي يتفخ بلونات واللي يرتب واللي يطلع واللي يصور الكل كان متحمس ( كانوا معنا بنات خالي راشد وعبد الرحمن << اصلا ماعندتس الا خالين بس لا تتفلسفين )

[Link nur für registrierte Benutzer sichtbar] ([Link nur für registrierte Benutzer sichtbar])

واذن المغرب عاد رحنا نلبس ونتزين ونكشخ وخلصنا بعد العشاء
والناس جو
تقهوينا وانا اتقهوا وبعدين نادتني بنت خالي { ياحبيلها اشتقت لها } وقالتلي بودي اخوي ريان صغير عمره تقريبا 4 سنوات لبيت جدتي ازعج امه كل شوي طالع للشارع طبعا امه مااارتاحت طوول لوقت واقفه عند الباب << الله يعظم اجرها
ورحنا انا وياها ووصلنا ونزلنا وسلمنها على امي ساره وقعدنا 5 دقايق ولهيناه علشان نرجع لبيت خالي ..
ويوم طلعنا للسيارة فـجـــــــــــــــــــــــــــــــــــــــــــــــ ـــــــــــــــــأة السواق مو موجووود ياربيه غبي وقسم بالله
وقعدنا نستناه عند الباب وملينا رحنا نسلم على خالتي ( مااجتمعت معنا في بيت خالي ) لانها في الدور اللي فوق امي ساره وسلمنا ورجعنا نوقف عند الباب وبعد شوي جولأمي ساره حريم ماادري منهم وبعد شوي تطلع لنا حرمه من اللي جوا تقول ماشفتوا ولدي مسكييييييينه ضاع ولدها ومالقته تدوره في الشارع كأنها مجنونه وقسم بالله وإنّا قاعدينا نتفرج عليها << تلفزيون تتفرجون عليها ..
دقايق وجا السواق وركبنا ( ماادري لقت الحرمه ولدها والا لا ) ومرينا على مطعم علشان بنت خالتي تاخذ لها عشاء لانها ماتاكل رز ولحم << مالت عليها والله فاتها العشاءكان رهيب
المهم رجعهنا لبيت خالي وصعدنا الى اعلى لكي نزين خششنا
ونزلنا انا دخلت اتعشى مع الحريم وبنت خالي راحت تاكل عشاها ..
وخلصنا بالعافيه على قلوبنا ..
بعدين دخلناهم على الغرفه اللي فيها البرنامج اللي بنسويه ودخلوا هم وبزارينهم الله يزعجهم
وبدينا البرنامج مع ازعاااااااااااااج البزارين وصياحهم .. وطبعا انا واختي عصببببنا وقسم بالله قلق و قعدت اهاوشهم هم وبزارينهم وهددت <<اخس وهددتهم اللي بزرها بيسوي ازعاج لااطلع بزرها وهي وراه
وبدينا مقدمه وقران << اذاعه صارت ، وبعدين امي العزيزه كرمت بنات خوالي علشانهم خاتمين القران ماشاء الله عليهم
وبعده مسابقه تتلوها مسابقه لحد ماجت فقرة اللبس التنكري ورحت البس لبسي التنكري انا وخواتي واللي بيلبس ..
وجينا واستعرضنا وصوتوا من احسن لبس ووووفازت اختي بالمركز الأول وانا بالمركز الثاني وبنت خالي الثالث
وكل اللي فازا خذوا طقم من زهور الريف :nosweat:
وفي فقرة لبس الدول << يعني اللي تبي تلبس لبس أي دوله تلبس ولبسة بنت خالي لبس هندي كامل من الاف الى الياء كان رووووووووووعه مره حلو وفازت
وبدينا نلعب بالبخاخات وقعدنا شوي ووزعنا عليهم هدايا

[Link nur für registrierte Benutzer sichtbar] ([Link nur für registrierte Benutzer sichtbar])


[Link nur für registrierte Benutzer sichtbar] ([Link nur für registrierte Benutzer sichtbar])


[Link nur für registrierte Benutzer sichtbar] ([Link nur für registrierte Benutzer sichtbar])


[Link nur für registrierte Benutzer sichtbar] ([Link nur für registrierte Benutzer sichtbar])


وبعدها استهبلنا بالمايك كل وحده تطلع ابداعاتها اللامحدوده ..

لله انتهى بعد صراخ وطقاق بس استانسنا من جد ....

[Link nur für registrierte Benutzer sichtbar] ([Link nur für registrierte Benutzer sichtbar])


واليوم الثالث غدا عند خالتي عادي رحنا قهوة وشاهي وسوالف ورجعنا بيت خالي ...

ورجعنا البيت اليوم الرابع بعد مارجع ولد خالي من مكة وادهرناله شوي سوينا له كيكة وتفخناله بلالين وحركات

[Link nur für registrierte Benutzer sichtbar] ([Link nur für registrierte Benutzer sichtbar])

[Link nur für registrierte Benutzer sichtbar] ([Link nur für registrierte Benutzer sichtbar])

وتعشينا ومسكنا الطريق للبيت ..

ووبس آسفه اذا كنت طولت عليكم .. :blush-ani

[وجـ...ــه الطفولــ...ــه]

الله الله وناااااااااااسه


وناااااااااسه :clap:


انا العيد الجاي جايه جايه عندكم :004:

من جد فلللللللللللله :047:

ومشكوره خيتو على تفاعلك الحلو ,,

بس ..

صورة الخروف تخووووووف.. :icon1366:

[مهبولة لأسباب أمنية]

حياك الله خيتوو

بتنورينا والله

وش اسوي مافيه الا هذي الصورة للخروف وقلت ميسكين خل احد يذكره بعد مامات خخخخخخخخخخخخخ

ومشكوووره على موضوعك .. :)

ننتظر باقي الاعضاء :)

[أحسن أحد]

العيد ..


آهلا ً آآآآهلا بالعيد ..

مرررحب .. مرررحب بالعيد .. خخخخخخخخخخخخخخ ..

<=== خلص يبو الشباب .. :D ..


بالنسبة لعيدنا ....

رحنا نتعيد في مزرعتنا في القصيم ...

والبرنامج يكون كالتالي ..



أنا وأبوي الله يحفظه .. ماننام بعد الفجر ..

إلا هالمرهـ ..

أنا قمت متأخر شوي .. يعني بعد صلاة الفجر بشوي ..

بس قمت على خير شين .. :( ..

أبوي وهو يصحيني ..

يقول أعدموا صدام .. :( ..

قمت وأروح عنده بالصالة أتفرج أنا وياه على التحليل ..

ونتقهوى ..

لأن مافيه إلا أنا وياه بالبيت ..

أما أهلي عند خوالي يكونون من ليلة العيد ..

المهم ..

لقيته مسوي له كوفي .. ولا سوى لي .. :D ..

ما هي مشكلة ..

سويت لي أنا بعد

ورحنا نصلي ..

يوم رجعنا ذبحنا ذبيحتينا ..

لنا ست سنين نذبح ثنتين .. مدري ليه .. :( ..

المشكله يقولون إن الوحده تجزئ عن البيت كامل ..

بس أمي تقول أنا أبي وحده لي بعد هههههههههههههه ..

وأنا وأبوي اللي نكرف .. :D ..

يوم خلصنا ..

رحنا لجيراننا .. اللي هو جدي .. :D ..

ويكون عنده كل عماني مجتمعين ..

وأكلنا حميس .. وتسبده .. :D ..

بس فيه واحد من عماني مسوي إتكيت ..

جايبن له زبادي ههههههههههههههههههههههه ...



بعدها رحنا نسلم على اللي يقبرون لنا وكذا ..

وخوالي .. وهلم جره ..

وبالليل يكون إجتماعنا الكبير ..

يعني عائلتنا الموقره كلها .. :D ..

عاد في ذاك اليوم ..

" ماسك الريشة " الله يصلحه ..

كان جنبي بالعشاء .. وماخلاني أتعشى .. :( ..

كل شوي ذاب على واحد .. :D ..

المشكله يجيبها ببثاره .. بس أنا أضحك مدري ليه هههههههههههههههههههههه ..

يعني يقول لي .. شف " بلوط " لو تحط الجوال في بطنه ماتلقى إرسال .. :D ..

بلوط هذا واحد من عيال عمي معيارته كذا ههههههههههههه

طلعنا من العشاء ..

ورحنا لعنيزه ..

عنيزه هذي تبعد عن ديرتنا 20 كيلو ..

بس أنا وماسك الريشه وماني حلو ..

كننا محنب من البدايع ..

24 ساعه مسنترين في عنيزه هههههههههههههه

طبعا ماني حلو مب ولد عمنا .. ولاهوب من عائلتنا ..

بس كأننا عيال عم أنا وياه بالبدايع ..

صح إن كل واحد يذب على عائلة الثاني ..

واحد يقول .. الـــ ... شايفين أعمارهم على غير سنه ..

والثاني يقول .. الـــ ... فيهم عناد غير طبيعي ..

المهم

رجعنا ونمنا .. :D ...


بس الصدق ..

القصيم والله ياهي بررررررررررررررد ..

يوم وصلت اليوم للرياض ..

قلت آآهـ يازينك يالرياض .. :004: ..




موضوع رائع ..


وينقل إلى المميزهـ .. بس بعد مانشوف وش سووا الأعضاء ..

[وجـ...ــه الطفولــ...ــه]

" ماسك الريشة " الله يصلحه ..

كان جنبي بالعشاء .. وماخلاني أتعشى .. ..

كل شوي ذاب على واحد .. ..

المشكله يجيبها ببثاره .. بس أنا أضحك مدري ليه هههههههههههههههههههههه ..

يعني يقول لي .. شف " بلوط " لو تحط الجوال في بطنه ماتلقى إرسال .. ..

بلوط هذا واحد من عيال عمي معيارته كذا ههههههههههههه

هههههههههههههههههههههههه

من جد والله ما يمديني على العياره :icon30:

والله عيدكم .. شي

بس الصدق ..

القصيم والله ياهي بررررررررررررررد ..

والله الدنيا كلها برد :strongsad

يوم وصلت اليوم للرياض ..

قلت آآهـ يازينك يالرياض

اه يالرياض :cupidarro

مشكور اخوي احسن احد

وان شاء الله الباقي يرونا وش سوو :)

[تميــمـية]

هااااي.. :wavey:

أولا..
كل عام وانتم بخير و صحة وسلامة.. :rose:

ومن العايدين الفايزين.. :rose:

عيدكم مبارك.. :rose:

و الله يتقبل منا ومنكم.. :rose:

ثانيا..

عيدنا هالسنة يجــــنن..

وراح ابدابكم من غروب شمس يوم عرفة.. :020104_em

وبعد تحلقنا حول مائدة الافطار..

قعدنا نسولف و نسولف ونسولف..

اليـــن وصلنا لطاري "العيد"..

يوووووووووه..

"العيــــد" بكره :0381: << صباح الليل

وانا اللي انط في خشة الماما ابروح اشتري حلاو العيد والحييييين..

ـ يا بنت الحلال ما يمدي خليها بعد الصلاة..

ـ لا لا الحيييين تكفييين تكفييين صدقيني بيمدي ان شاء الله..

ـ خلاص روحي بس بسرررعة يالله يمدي بيذن العشا..

وادق على السواق.. :santa_1:

ـ عابد طلع السيارة بسرررعة..

ويوم اني لبست عباتي و خلاص قفيت الا واسمع هاللي ينادي..

ـ تميمية..

ـ نعم..

ـ العيال يصيحون نشبو في حلقي خذيهم معك.. :jump:

والله واقش المبزرة واطيييير على السوبر ماركت.. :044:


وبعد عودتي من المكان اعلاه..

وانا محملة باكياااااس ثقيلة من الحلويات..

:004: "والله ما يسوى..اعيش الدنيا دونك.." :004:

موبايلي..

ـ الوووووو

ـ هلا و غلا..

ـ تميمية افتحي الباب

ـ عسى ماشر..

ـ اباخذ فيلم "كيف الحال"+اني ابتعرف على خروفكم المحترم..

ـ ايييه قولي كذا من اول...مصلحة يعني..بس ولا يهمك كم عندنا من :004: وجه للطفولة :004: ..

المهم..

جت وجه الطفولة وخذت الفيلم بعد ما كنت ابشلحه من :004: اخي العزيز :004: بس قلت عشر فضيلة ماله داعي ابقوله وان شاء الله انه بيطيع..

والله و طلع شقردي و لحية غانمة و ما اعترض الله لا يخليني :blushing:

وبعدين قعدت اعبي الحلاو الى ان شاء الله و خلصت..

و من بكرة..

اللي هو صباحية يوم " العيــد"..

قمنا مخروشين..

ـ يالله يالله فاتتنا الفجر ومو ممدينا على صلاة العيد بسرررعة اخلصوا..<< :004: والدي الموقر :004:

وبسرررعة..

بسرررعة..

ما دريت الا انا واقفة في ذيك البرحة (مصلى العيد)والله العالم صلوا و الامام يخطب..

قعدنا نسمع الخطبة بعد ما صلينا بلحالنا طبعا و ابوي واخواني صلوا مع جماعة متأخرين..

عاد لو تسألوني وش قال الامام وش ما قال ما دريت عنه ما غير اتنافض من البرد اليين عدنا الى منزلنا الحبيب..

نزلنا الوالد وراحوا يجيبون احد يذبح الضحية..

ودخلت المطبخ وتصفحت كتاب نخبة الاطباق مدري اطباق النخبة وطحت على فطيرة التفاح الشبكة..

قلت الناس عيد ووناسة ورى ما اطبخ لهم و خليهم يتباركون..

رجع الوالد بعد ما يأس انه يلاقي احد يذبح لهم..

وشوي:
ـ تدري قم وانا ابوك مالها الا رجالها"عاد ذي من عندي".

والله و ينحرها الوالد الله يطول بعمره ويتعاون هو و اخوي على صلخها..

طبعا انا في مملكة المرأة <<امحق مملكة

وفي امان الله..

مادريت الا ذاك اللي يدخل علي و يرز في وجهي شيء الظاهر والله العالم انهم يسمونه "كرشة" واصرخ لكم ذيك الصرخة واطلع من

المطبخ بلا مملكة بلا هم.. :6:

وبعد عراك بسيط مع اخي العزيز :mgwhore: رجعت اكمل كيكتي <<ما صارت كيكة صار مفطح..

ويوم خلصت..
:S9:
تسبحت وقعدت البس..

:004: "اجيك يسلم راسك..وشلون ما اجيك..وياك انا بالذات صعب اتغلا.." :004:

موبايلي مرة ثانية..

ـ هلا والله وغلا يالله ان تحييه..

ـ يالله ان تحييه.. يالله ان تحييه..الحين انت ورى ما تقين علي تعايدين ماني بخالك انا..؟؟

ـ آسفييين ياخالي كل عام وانت بخير من العايدين..من الفايزيـ

ـ ايه سكتيني بهالكلمتين عمانك تدقين عليهم كلهم بس انا..

ـ يا خالي الموقر عماني كبار وانت شاب لطيف والا..؟؟

ـ اقول بس ما علينا انا مسويلكم مفاجأه الساعة اربع ونص لا تتأخرون..

ـ والله..طيب وشي المفاجأه تصلح لي..؟؟

ـ شف القروية اقولك مفاجأه تقولين وشي..

ـ خلاص من عنوني التنتين الساعة اربع ونص الا خمس انا عند الباب..

انهينا المكالمة واستأنفت لبسي..

الساعة اربع تونا بنركب السيارة..

الوالد:
وين..وين؟؟ مانتي رايحة معي لعمانك..

ـ لا والله يابوي اليوم خالي مسويلنا مفاجأه لاااااااااازم اروح بكرة ان شاء الله اروح لعماني..

وتنازلت عن روحة عماني عشان خالي وعساه يقدر تضحيتي لأجله..

وصلنا البيت الكبير "بيت جدتي" والباب مفتوح كالعادة..

الــــــــــــــلــــــــــــــــــه..

لمحت شي كبير وملون.. :7:

يوم دخلنا ..

الا والله ذيك النطيطة الكبيرة ما خذة نص الحوش.. :4:

الشاهد..

رحنا داخل وسلمت عالموجودين ونسمع ذيك الردحة اللي في الصالة الكبيرة ويوم دخلت واشوف المبزرة كلهم متجمهرين و صافين طابووور

و سماعات استريو منتشرة في الصالة وميامي يدهرون"ياعمري انا..فديتك انا.."..

غريييبة..

وش عندهم..؟؟

مفاجأة خالي وعرفناها..

بس وش هذا...؟؟؟ :050103thi

واقرب..

واقرب..

مادريت الا شيء مصبغ وجهه و لابس لبس ملون وخشم احمر كورة..

الا والله "مهرج"..

وانا اللي ما تشوفون الا غبرتي..

افااااا..

يمه وش هالرجال اللي مدخلته وسط بيتك..<<اكلم جدتي

هههههههههههههههههههههههههههههههههههههه <<خــالي

ـ خير..خير..ليش تضحك..؟؟

ـ هذي حرمة يالذكية.. :020104_em

طبعا لقطت باقيا وجهي وان شاء الله اني ما نسيت منه شي.. :nosweat:

ورجعت للصالة والقى البزارين مصبغين على وجيهم قلت وش زودي انا ما اصبغ على وجهي..

وبعدين قعدت المهرج تسويلنا عروض و خدع و مسابقات ويوم راحت استلمنا النطيطة

ونقعد طوول اليوم نطط انا يالبنات ونطرد هالبزارين..

وعاقبنا ربي ما درينا الا وهذوليك الحريم اللي يدخلون من البااب وانا في قمة هبالي انطط و اصارخ واغني..

بنات خالاتي صرفوا اعمارهم بس انا في وجه المدفع ما فيه مجال خلاص شافوني واستحي على وجهي واروح اسلم عليهم واقلطهم.. :knuddel:

الشاهد بعد ما راحوا الحريم و كلنا كيكتي اللذيذة<<اموت عالثقة ووزعنا الحلاو رحت انا ووحدة من بنات خالاتي المجلس الصغير اللي في

آخر البيت

:004: "دلوعتي كل الحلا فيها..احترت انا مدري شسميها.." :004:

:004: بنت عمي :004:

وينك يالشينة ماشفناك اليوم..

ـ وشسوي يا بنت الحلال خالي مسوي مفاجأة ما اقدر اخليه..

ـ قهرر فاتتك جمعة والله استانسنى..

ـ خيرها بغيرها وبعدين بكرة او عقبه بجيكم ان الله كتب..

سولفنا شوي وانهينا المكالمة وقعدنا ان و :004: بنت خالتي :004:

ونسولف ونسولف الين حسيت ان بطني بدى يعلن حالة الاستنفار من الجوع ونقوم انا وبنت خالتي ويوم طلعنا البيت

هجدة عسى ما شر وين الناس اثرهم والله يتعشون قصدي خلصوا متعشين وقاعدين يتبطحون ويسولفون عقب العشا...

ـ نعـــــــــــــــــــــــــــــــم...؟؟؟؟؟؟؟؟؟؟؟؟؟ ؟؟؟؟؟؟؟؟!!!!!!!!!!!!!!!!!

ولا كأن وراكم بنات ما تعشوا ومنطقين هناك..

ـ ابد لا حقين خير الاكل واجد تعشوا الحين..<< جدتي

ـ لا مانشتهي عقب ما خلصتوا متعشين تقولون لنا لا حقين خير..

خلاص عافته نفوسنا وبعدين ما نشتهي ملمس..

ـ ياااي يالرقيقين<<ولد خالتي

ـ مالك دخل انت يوم شبعت ومليت كرشتك جاي تتفلسف علينا..<<يمديكم على الاسلوب

ـ خلاص..خلاص ولا تزعلون خذوا وروحواحد من السواقين يجيب لكم عشى..<<خالي

ـ :004: الله لا يحرمنا منك قال آمين عساه دووم مو يوووم.. :004:

وبعد ما تعشينا وعينا من الله خير شغلوا العيال الاستريو وقعدوا يرقصون ويستهبلون.. :harhar1:

وبعد منتصف الليل <<اي منتصف الليل الساعة ثنتين ومنتصف اليل..

المهم..

تفرقوا خالاتي كل واحدة راحت لبيتها ونمنا حنا يالبنات والعيال والمبزرة في البيت الكبير عشان النطيطة <مشافيح ما شافوا خير

دخلنا يالبنات غرفتنا وبعد ما فرشنا الفرش وتووونا بنام الا وبنت خالتي تقص لنا قصة عن الجن"بسم الله الرحمن الرحيم"

وانا اسكت فيها يا بنت الحلال اسكتي ترى فيه نااس يخافوون ما يحبوون هالقصص و الاخت ماااشية ولا كانها تسمع سولفنا سواليف النوم

وشوي شوي ناموا كلهم وانا اتقلب..اتقلب..ما قدرت انام حسبي الله ونعم الوكيل كله منها وشوله تقول هالسالفة ماتدري اني خوااااافة من

دون شيء وشلون عاد عقب هالقصة..

الله اكبر..

الله اكبر..

اذن الفجر يا حظي..

اقومهم كلهم يالله الصلاة خير من النوم قوموا صلوا..

وصلينا ورجعوا هم يستأنفون نومهم وانا طبعا ما نمت الا يوم اشرقت شمس الصباح و حسيت بالاطمئنان ونمت قريرة العين..

هذا عيدنا بالتفصيل الممل بس في اليوم الاول اما اليوم الثاني قمنا من صباح الله وانا ياحياتي ما نمت زين افطرنا وسولفنا ورحنا للنطيطة

الين جاني اخووي يقول يالله سرينا لعماني ورحنا هناك والله شرهانين علينا اول مرة نخليهم اول يوم واجتمعنا و انبسطنا بس الجلسة كانت

ناقصة و فيها فرااغ كبييير لان :004: عمي خالد :004: يا حبيله مسااافر وما في اليوم الثالث رحت بيت خالتي واجتمعنا هناك واليوم

الرابع نفس الشيء رحنا بيت خالتي الثانية بس الظهر تغدينا براا ومن جد كان ونااااسة...

وووووووووبــــــــــــــــــــس..

بصراحةكان ودي احطلكم الصووور بس للاسف موبايلي خربان"حسبي الله على ولد عمي هو اللي مخربه الملقوووف

متخصص في تفتيش موبايلات الخلق ليته يتفرج و بس لا اذا اعجبه مسج والا مقطع ارسله لموبايله" والصور الثانية ما بعد

حمضناها بس ان شاء الله ان صلح موبايلي باحاول احطها.. :5:


تحياتي..

تميمية..

[وجـ...ــه الطفولــ...ــه]

:004: "والله ما يسوى..اعيش الدنيا دونك.." :004:

موبايلي..

ـ الوووووو

ـ هلا و غلا..

ـ تميمية افتحي الباب

ـ عسى ماشر..

ـ اباخذ فيلم "كيف الحال"+اني ابتعرف على خروفكم المحترم..

ـ ايييه قولي كذا من اول...مصلحة يعني..بس ولا يهمك كم عندنا من :004: وجه للطفولة :004: ..

يا حبيييييييييييييلتس :004:

بصراحةكان ودي احطلكم الصووور بس للاسف موبايلي خربان والصور الثانية ما بعد حمضناها بس ان شاء الله ان صلح موبايلي باحاول

احطها..

ولا يهمك .. كم تميميه عندي :004:

هذي الصور اللي ارسلتيلي اياها ..

هذا خروفهم الموقر ..

[Link nur für registrierte Benutzer sichtbar]

وهذي النطيطيه..

[Link nur für registrierte Benutzer sichtbar]

والمهرج ..

[Link nur für registrierte Benutzer sichtbar]

وعسى يقوم جوالك بالسلامه .. تورينا باقي الصور اذا عندك :119:

[ماسك الريشة]

كل عام وانتم بخيييييييير ...


عيدنا مثل عيد كل سنه :D

مايحتاج احسن احد كفى ووفى عني :D


ياحبي له احسن احد حطيت له بالعشى فلفل حار :D :D

جلس يومين بعدها مطلع لسانه من قوة الحراره :tears:

ارجع واقول اهلا اهلا بالعيد مرحا مرحا بالعيد :119:

[وجـ...ــه الطفولــ...ــه]

هلا بك خيو..

سعيده بتواجدك

[أحسن أحد]

نسخة إلى المميزه ...