قصة الهامور وأحسن أحد مع بنات ريلاكس في الجزيرة

[الهـــامـــور]

بسم الله الرحمن الرحيـم

.
.

.
.

إيييييه يـ الدنيــا .. والله الدنيـا هـاذي كلهـا مشـاكل و همـوم .. من كثر مشاكلها
شريــت لـي جيــب عشـان أقدر أطعـس في الثمامة اللي بـ صراحة البلدية بـ الرياض
مهملتهـا كثيـر و الـرياض أعـوذ بـ الله صـارت زحمـة خياليـة و المرور وجـوده زي عـدمه
ما هـم فاضيـن إلا لـ المخالفات و يطلعـون لنـا كـل يـوم لـوحة شكل جـديد لـ السيارات
والسيارات هـاذي بـ صراحة إرتفعت أسعـارهـا كثيــر شكلهـم يبـون يأخذون مننا اللي
وفرناه من سعـر البنـزيـن بعد التخفيض و البنزيـن حتى ما صـاروا يجيبـونـه ثقيـل ما صار
إلا خفيف و بـ سرعة يطيـر كله من شركة أرامكو اللي خففته و أرامكـو يقولـون الحيـن
بـ تفتح شركات بتروكيماويات و تنافس سـابك .. وبـ صراحة سـابك شـركة زينـة لـ اللـي
يتوظـف فيهـا من حلا ذي الشركة تقـول عليها نانسي عجـرم .. وبـ صراحة نانســي أغانيها
سامجـة و بايخة كثيـر .. أنا أشـوف أنا مادونـا الإنجليزية أفضل منهـا بـ كثيـر و الإنجليز أصلاً
موهبيـن دائماً .. مايكـل أويـن على سبيل المثال لاعب موهب .. واللاعبيـن يـ أخي كثروا
ما عـاد تلحق وراهـم ، كنهـم تكاسي مكـة و الحـرم .. و التكاسي بـ صراحة ..
<< إمكسـوا الولد تراه مسك خـط في السـوالف

هـاذي بـس بروفـا قبـل البدء في المـوضوع .. يـ الله عـن إذنكـم بـ يبدأ البـث هـ الحين
<< تحسـون أن الولد و هـو يكتــــب خــاااااش جــــو وبـ قـــوة

.
.

حيـاكـم الله في مـوضوعـ(ن) جـديد يحـوي بيـن طياتـه هـرج من هــروجي

فـي هـذا اليـوم و في هذا المـوضوع بـ الذات بـ أقـووولكـم قصـة الهـــامـــــــــور
اللي هـو انا في جـزيـرة البنـات << تحسون أنها سالفة

عنـوان الفيلم : الهــــــــامـــــــور فــي جــزيرة البنـــات
تأليــف و سيناريو و حوار و مونتـاج و إخـراج : الهـــــــامـــــــــور
بطــــولة : الهــــــــــامـــــــــور( أكيد يعني ، ما أحـلاني كاتب قصة ماني بطلها )
أحسن أحــــد ، و صاحبة السمو الملكي و همسة ريلاكس
و الوجه الجديد : مشحوطه بخيزرانه ، وأنثى جامحه
تصميم و أزياء و مسؤول الطبخ في موقع التصوير : رنين
( ذبحتنـا بـ سندويشات البيض و الحليب ، الفيلم الجاي بـ نسحب عليها )
غنــاء الفنـان القـديـر و الكبير في الساحة العامة :ماني حلو بس ماني شين
شكـر خاص لـ كـل مـن : منتديات ريلاكس ، قسم الصرقعة والهبال، و الاب توب حقي < يعنى يعلمكم انه عنده لاب توب
لـ دعمهـم الكبيـر لـ إنتـاج الفيلم

بـس إسمعـوا ترى والله أن القصة كانت بـ بالي ، و إختيـار الشخصيات
ما جـاء إلا متأخـر .. فـ اللي جاء في شخصية ما عجبته يطق بـ رأسه الجدار
قـصدي يسامحنـي .. و الأسماء جت بعـد مشورات و إقتراحات مع أشخاص
لهـم خبـرة في مجال الصرقعة .. فضلاً عـن أن بعـض النـاس طلب بـ نفسه ..
فـ رجـاء الزعـل حطـوه بـ صندوق الأمانات ولا تضيعـون مفاتيح الصناديق ..

3

2

1

أكشـن

أيه أقولكم عـاد سهـم بيشة مهوب زي سهم ينسـاب ... << الـولــد قام يشطـــح

في ذلك اليـوم .. و السمـاء صافيـة و الرياح عاتيـة .. و الشمـس كاسية .. والأرض منفولطية
( هذا مناخ جديد ما سمعتوا فيه ) .. عندمـا وجـدت أنه لا أحـد يقـدر ذكائـي و عبقريتي
و لا حتى موهبتـي في تدعيـس قواطي البيبسي و المرندا ( الله من زين الموهبة )
قررت أني أترك ديرتي غيـر مأسوف عليها .. و أهاااجر لـ ديـرة ما حـد قـد وصلهـا قبلـــي
( إخس يا كلومبوس ) عشـان أرزع بـ علـم منتديات وريلاكس في ذيتس المنطقة ( بـــدأ شغــل
تشبيـك الإدارة ) المهـم أني هـاجرت ودمعتـي تـلألأ على وجنتـي بعـد أن إنسكبت
من عينـي و أخـذت تقـوطـر مقـطــاراً ( أروح سعبولة بزر عنـــــــد الفصحى ذي )
لكـن اللي كـان مصبرني أني عـارف أن كـل العباقرة و المفكريـن أصحـاب المواهـب الفذة
كانوا منبوذيـن من مجتماعتهـم و أكبـر مثال نيوتـن و لا يهـون سـامـي الجـابر
<< يدور تصفيق من الهلاليـن اليـوم .. إلا عنـدي سؤال .. على رغـم كثـرة الرويات
اللي تكلمت عـن التفاحة اللي طاحت قدام نيوتن ما حـد قال لنا هـي كـانت تفاحـة
حمـراء ولا خضـراء ، إمريكي ولا بلدي .. المهـم نكمـل قصتنـا وش علينا من نيوتن ..

طبعاً بـ تقولون وش الموهبة ذي يا هـامــور.. أنا أقولكم ، أحـب أشـوف قـوطي بيبسي
أو ميرندا و أدعـس عليه بـ رجلي .. أستمتع جداً خاصةً إذا سمعت صـوت زي كـــــذا
" قشغغغغغ " .. يا سلاااااام .. بس تراني ما أتعامل بـ قواطي الكولا و الفانتا
ويقولون إني إذا إستمريت على هـذا المنوال بـ يعطوني شهادة شكر و تقـديـــر
ويمكـن يرقوني إلا مدعـس قواطي بـ السيارة .. يعني تشوفني بـ السيارة مثل
المخبـول ما غيـر ألاحق القواطي الفاضية و أدعـس عليهـا

( تصدقون مـرة كنت أسـوق بـ السيارة في شارع فيه قواطي كثار بس أنها متباعدة
وكل واحـد في مكـان وأقعـد لكم زي المخبول .. يمين ، شمال .. ورى هـ القواطـي
شافتني الدورية و وقفتنـي ، والله ما أكذب عليكم أنه وقفني بـ تهمة قيادة السيارة
تحت تأثيـر المسكـر بس بـ الله صدق أني صاحي وألحق ورى القواطي )

المهم أني كـل ما رحت أقدم على وظيفة يقولون لـي " ما نوظـف مهبـول يدعس قـواطـي "
ما عـاد أحـد يقدر المواهب ! ويـن حقوقي ؟ أوكي حقوقي ما أبغاهـا ، متنـازل عنهــا
ويـن حقـوق القـوطي المسيكـن ؟ وش ذنبه في موهبتي ؟ لاااع لاااع لاااع لا تطلقني .. تهئ تهئ
<< لا تحمس واجد ، تراك إذا تحمست تشطـح كثيـــر
>> طيب طيب ، بـ أحـاول

المهـم .. ما نطول عليكم .. رحت شـريت لـي قـارب فـل أبشـن ، مـروحتيـــــن
ومقاعـد جلد و فيه غرفتين ولونه أبيض .. و أبحـرت على متـن هذا القـــــارب
في أعمـاق البحـر .. و أجلس أناظر هـ السمك و أقول سبحان الله ليش السمك يسبح
في الماء ( مسـوي فيها زي نيوتن ) .. الغـريب أن السمك طلع شافنـي و قعـد يطالع
فينـي و شـوي جت أسماك القرش و الدلافين و الحيتان و تجمعت نص المخلوقات البحرية
و قعـدوا يطالعـون .. شكلهـم قدروا موهبتي و عرفوا من شكلي إني إنسـان عبقـري
<< لا والله ، يقولون وش ذا الحمـار اللي راكـب قـارب ..

المهـم .. وأنا وسـط المحيـط و تجـي ذيك العاصفـة القوية ,, قووووويييييية مرررررررة
من قوتهـا قلعت النخيل و ذبحت الجمال و البعارين ( نخل و جمال في وسط البحـر ؟
يـ أخـوي لا قدك بـ تنصب إنصب زي الناس ولا إنكتــم ) و الأمـواج بدأت ترتفع وتتلاطمني
( أكيييييييييد بـ تتلاطمك .. اصلاً أنت في أي مكـان تلقـى لك واحـد يلطـم فيـــك )
و أطلع جـوالي و أدق على 998 << مصدقين أن فيه شبكة في البحـر ..
رجل المطافي : يا ربيييي ، هااااه ؟ وش تبي ؟
قلت : هاه ؟ أنا نـاشــب فـي البحـــــر و بـ أغـرق ، وش أسوي ؟ تكفى أنقذني !
قال : يـوم أنك ما أنت قد البحـر و المحيـط وراه تبحـــــر ! أحسن تستاهــل خلك فيه
وسكـر في وجهـي الله لا يبارك فيه حلفت إن أنقذني ربي و رجعت لـ البر لـ أقدم عليه
شكـوى لـ وزارة التربية و التعليـم على اللي ما تربى ذا << الله يخلف على أبوك بس

عـاد أنـا في هـذه اللحظـة قلت يا ولد وش أسـوي ! أدق على عـ الشرطة ولا الإسعاف
ولا أقول نرقد في هـ المركب و الصباح رباح ( رباح ذي بنت جيرانا و دايـم تتميـلح قـدامـي
و أنا ما أعطيها وجهة ، أنـا مسوي ثقيـل ) و نمــت على أسـاس أني إذا قمـت الصبح
إن شاء الله يجي الأمـل ( أمل ذي بنت جيرانا الثانية و دايم أتميلح قدامهـا و هي ما
تعطيني و جـهة .. مسوية ثقيلة ) أصلاً أنا لو دراي أني بـ أضيع ما أبحـرت في البحر
عـ الأقـل حمـار عـ الأرض و لا حمـار في البحـر و ضايــع بعـد

ثـم صحيـت على على أصـوات إزعـاج و صجة و لجة .. أثاريني مـربوط في عمـود خشبي
و إثنين من البنـات شايليـن العمـود ، وحـدة من قدام و حـدة من ورى .. يعني زي اللي
نشـوفهـم في أفلام الكرتون .. و وراهـم بناااات كثيييـر .. فووووووووج كامل من البنات
و بـ جميع المواصفات ؛ زينة ، شينة .. صغيرة ، كبيرة .. دلوعة ، عربجية .. شعـرها طويل
شعرها قصير .. ركبتها سوداء ، ركبتها ماهـي سوداء .. لـ الحجـز سـارع بـ الإتصال
على 700 و الباقي ما تغيــر << هذا المستخدم بدأ يفصل خخخخخخـ ..

وخذوني بـ خشتي و ودوني لـ خيمة كبيـرة و فيهـا وحـدة أعـوذ بـ الله .. تخـرع اللي ما
يتخـرع .. أصلاً تشوفها مكتوب على وجهها " إستر ما واجهت " من شينهـا
تطيـح الذباب من السمـاء .. هاذي طلعت رئيسة البنات و إسمهـا ( صاحبة السمو الملكي )
<< بـ يطلع حرته فيـك
المهـم يـوم شفاتنـي و تولع و تصير خدودها تركواز و يطلع لها قرون و يوقف شعـر
رأسهـا و تتوسع عيونها .. يعني حالة مدري وش تبغـى ..
قالت صاحبة السمو : وش ذا اللي جايبينه ؟ رجال ؟ يـ اللي ما تستحـون !
قالوا البنات : لقيناه معلق في شجرة و يقـول " لو أني قاعد بـ ديرتي أصرف لي والله "
قالت : هيه أنت ؟ ( تقصدني )
قلت : سمي ! بيـن يـديك خبيـر تدعيـس قواطي بيبسي و ميرنداااا
قالت : داعـوس يدعسك إن شاء الله .. ما تدري إن هاذي الجزيرة جزيرة بنات و بس ؟ ( ماعندها أسلوب )
قلت : لحظة لحظة .. قصدك يعنـي أنتي من البنات ؟ قـولي غيـرهــا ..
قالت : أقـول إستح على وجهـك ، و إعـرف من تكلـم يا قليل الأدب .. هـ الجزيرة ممنوع يدخلها الرجال !
قلت : وأنتي ليــش داخله ؟ على رأسـك ريشة ؟ << مأخذ عنهـا فكرة أنها رجال من شينهـا
قـالت : يا حمـار أنا بنت و أميـرة البنـات بعـد
قلت : عنـد حصـول المصيبة أمرنا الرسول نقول " لا حول ولا قوة إلا بـ الله "
قالت : طيـب ، و يعنـــي ؟!
قلت : أقصـد لا حـول ولا قـوة إلا بـ الله ! أجل أنتي أميرة البنـات ؟ ( أحس أن صاحبة السمو حقدت علي )
قالت : أقول ليــــش جـــــاي هنـــــا يـ اللي ما تستحي على خشتك ( قايل لكم ما عندها أسلوب )
قلت : لا والله ، طلعت أجيـب أخـواني من المدرسة و ضيعت << ما يعـرف يصـرف أبداً
قالت : اصلاً أنتوا كذا يـ الشباب .. تلاحقـون البنـات لو يطلعـون من مجرة درب التبانـــة
قلت : أقـول أنا قايـم أشتكي لـ مجلس الشوري ، حتى جزر ربي صارت عوائل ، ماهي حالة ذي
قالت : أقـول لا يكثر .. عندنـا قـانـون بـ الجزيرة يقـول أن أي رجال يخـش هـ الجـزيرة يحكـم
عليه بـ الإعـدام شنقاً بـ الرصاص ( هي اللي قالت مو أنا ) بـس حنـا بـ نتسامح معـك
ونخليك تتمشـى بـ هـ الجزيرة يوم واحـد و تشـوف كيف حنا عايشيـن بـ دون الرجال أحسن عيشه

وأمـرت وحـدة من الواقفيـن .. و قالت لهـا مشيـه بـ البـاص في الجزيرة و خليه يشــوف
تراثنـا و حضارتنـا ، عـاد ذي البنت قامت خذتنـي و ركبتنـي البـاص .. طبعاً البنــت ذي
وش أوصف لكـم منهـا و وش أخلي ؟ وش جماال ؟ وش حلا ؟ وش روووعـة ؟ يعني ملاك و قمر 14
إسمهـا الصدق سـارة و تلقب في الجزيرة بـ سوير .. عرفت بعدين إنهـم يسمونهـا
في منتديات ريلاكس همسة ريلاكس ..
المهـم و خذتنـي في هـذا البـاص و قعدنـا نفـرفــر في الجـزيـرة .. بـ صراحة جزيرة روووعـة
يا إلهـي وش محلاهـا ( التعبير مشي حالك ) محلات و مجمعات و مدارس كبيـــرة
و مطاعـم و كورنيش يوسع الصدر .. و البنات رايحات جايت و كل وحـدة معهـا شغالتهـا
الإندنوسيـة .. صدق اللي قال " الطير بلا جنحان كـ المرآة الخليجيـة بلا شغــالة "
و دار بيني و بيـن سـويـر الحديث الآتـي ..
قلت : يا بنت الحلال ! الحيـن أنتي ليش حابسه نفسك هنا ؟ ما عندك أهـل ؟!
قالت : الصراحة أن صاحبة السمو جابتنـا هنـا من يـوم حنـا صغـار ومـا قصـرت معنـا في شئ
وفرت لنـا كـل اللي نحتـاجــه و أكثـر بعـد .. !
قلت : إييييييييه و أنا اقـول من يخطف البنات الصغار عندنا بـ السعودية .. حرام والله حطوها
في رأس بو هنـود طلعت هـ الشينة .. طيب ، ليش أنتوا كذا تكرهون الرجال ؟
قالت : شف ، الصراحة أن لا أنـا ولا وحدة من هـ البنات اللي تشوقهـم قد شفنـا رجال
يعنـي أنت أول رجال نشـوفه ، لكـن الشوق جابك تعرفهـم و تقـول أنهـم متـوحشيـــن
و مالهـم أمـان و دايـم يضربونـا و يعذبونـا ولا يحبـونـا أو يعطفون علينـا ..
مـع أنـي أشـوفك غيـر كذا ، شكلك عاطفي و حنون و رومنسي وأخـلاق
عـاد أنا صارت خدودي تركواز ثم قلت : طيـب أنتو الحيـن إذا جاكـم قراصنـة
ولا جاكـم شئ مـن يدافـع عنكـم ؟ ولا عندكـم جيـش من البنـات ؟
قالت : آآآآآآآآآآآه .. إييييييييه !
قلت : با بنت الحلال لا تقوليـن حبيتني ، تراني مخطوب لـ بنت عمـي
قالت : حبتك القرادة إن شاء الله ( كل بنات الجزيرة ما عندهـم أسلوب )
قلت : مهـوب قرادة ، أقولك بنت عمتــي << مسـوي براءة و على نياته ..
قالت : إيه لا يكثر ، عندنـا ديناصـور يجينـا كل يـوم و يذبح فينـا و يقتـل
وعـدد البنات في تناقص مستمر ، تصدق أنه قد أكل 14 إندنوسيــة مرة وحدة ؟!
قلت : أجـل تبينه يأكل بنات الخليج ؟ ، والله لـ يجيه مغـص يسرسر بطنه سرسار
المهـم رجعنـي لـ الشينة ذي صاحبة السمو .. أبـيهـا بـ مـوضـوع مهـم و ضروري ..

رجعت لـ صاحبة السمو ..
قالت : وش مرجعك ؟ أكيـد بـ تعترف لي أننا عايشيـن من دونكـم بـ أفضل حال !
قلت : لا والله ! نسيـت أصـور خشتك عشـان إذا رجعت لـ بنـات السعـودية اقولهـم
تحمدوا الله ، تـرى في أشيـن منكـم في العـالم ذا
قالت : ترى أنا صابرة عليك يا مال الطاعـون ، لا تخليني أفقـد أعصابـي
قلت : تكفيـن لا تفقديـن أعصابك تشينيـن أكثـر ممـا أنتي شينة هـ الحيـن
وتشـل سـيـف من سيـوف أحد حرسهـا و تجي مدرعمة ، شكلي رفعت ضغطها
<< وباقي تسأل مع خشتك إلا جبت لهـا الحمـى المالطية ( أدري المرض ماله دخل بس مشوها )
قلت : خـلاص خـلاص ، والله أنك حلوة أنا جـاي أعقـد معـك إتفاق بــس
قالت : نعم نعم يـ أخوووويييية .. أئعد معاك أنتا إتفاء ، إزاي ده ؟ << قلبت مصري
( الترجمة بـ الخليجي : إيش إيش أنت و وجهك .. أعقد مع ذي الخشة إتفاق ، كيف تجي ذي ؟ )
قلت : إسمعي . سمعت أن فيـه ديناصـور يجـي يذبح فيكـم
هـدوني عليه والله لـ أحـوس مريره و أريحكـم منـــه
قالت : وش عندك ؟ مسـوي رامبـو ؟
قلت : رامبـو ولا محمـد عـبده ، مالك دخـل بس المهـم وش لي إذا ذبحته ؟
قالت : بـ نسامحـك و نخليك ترجع ديرتك بـ سـلام
قلت : إيش ؟ ذي إلعبيهـا على الـرآسي مهـوب علي أنـا
أنا شارد من هناك أصلاً .. أنا أبـي أقعـد هنـا في ذي الديـرة
عشـان البنات لا بغـوا يحبون ما عندهـم إلا أنا ، بـ دون رجال ثاني ينشب لي
و هـي مسكينة وافقت على مضض مـهوب من زين خشتي .. عشان بس تبغى تفتك من الديناصور
و أنا طالع قلت : تبغــون الديناصـور مفطـح و لا ثلاجـــة ؟ << الله من زود الثقة
قالت : لا ! بـ أوصيـه يسـويـك ثلاجــة ( دارية أنه بـ يحوس مريري و يخليني جبنة البقرات الثلاث )

و في ليلة سمراء في وسط الصحراء و النجوم الملحـاء << أحس أني غازي القصيبي عـ القافية ذي
و أنـا حـامـل سلاحـي الفتاك .. نبيطة من أيام الحرب العالمية الثانيـة .. تذكر يا أحسن أحــد ؟
إيه إيه .. يوم فلقنـا رأس هتلر ! خخخخـ إيه إيه وذاك اليوم يوم رحنا سرقناها من الخزنة
إيه إيه .. و لا ذاك اللي راح يبكـي عنـد أمه يقـول أحسن أحـــد ضربني ، ولا ذاك اللي راح يفـرش أسنانه بـ مكنســه .....
<< إرجـع كمل سالفتك ولا نقــوم نفقـــع خشمك الحيـن
>> هيييه ! وش عنـدك مع خشمـي أنت ؟ تراه قـد إشتكى منك أكثر من مرة
( طوط طوط .. إن المستخدم الذي طلبته خـارج الخدمة مؤقتـاً .. عاود الإتصال في وقت لاحق )

المهـم و يطلـع لي ذاك الشئ الكبيييير .. أول ما شفته توقعت أن صاحبة السمو سـرقت بـرج المملكة
على بالها بنت صغيـرة بـ تربيها ، بعـديـن قلت لا ، يمكـن جابته عشان الــبنات .. و المثــل يقـــول
" البنات بلا سـوق كـ الشكشوكة بلا شطة " .. المهـم و يـوم أنه قــرب طلع كائـن حيوانـــــي
رأسـه كأنـه سماعات قسم الحريم في صالات الزواج يعنـي كبيييييير مـرررة .. وعينــه كنهــــا
براميـل زبالة - وأنت بـ كرامة - و فمـه طـول قطـره 22 ألف نسمة .. و لا خشمة كنــه جمــــس
و أذانيـــه طـول بـرج الفيصلية << يـ أخـوي أنت متأكد أنه ديناصور ولا حمار ؟
وذيله زي طـول المسافة اللي بيـن السعـودية و الرياض ( السعودية و الرياض ؟ يا شيــن السـرج
على البقـر بـس ) و لونـه أخضـر ضـارب لـ الرمـادي ( هذا لون جديد ما سمعتــوا فيــه )
و رجله لو يوقفون سكان المملكة كلهـم فـوق بعـض ما جو طـول رجله .. ولـو يتجمعون على شكل
دائري ما جـو كبـر فخـــذه ( عليك وصف زي وجهك ) .. طبعاً أنـا عـرفت فيما بعد أنهـا ديناصـوره و ليست
ديناصور .. أقصد أنها أنثى ديناصور وعرفت بعـد أن أمها خليجية << شاف ركبتهــــا لونها أسود ..
<< هـذا المستخـدم يحـس أنه بنات الخليـج حقدوا عليـه اليـوم حقد كااااافــي ..

ويـوم شفت الديناصور و أنا اللي أجيـك هـارب ، وش علي أنـا من البنات يا جعل ما يبقـى منهـم حـــد
بـس تذكرت أني لازم أثبت شجاعتـي عشـان أثبت لـ بنات الجزيرة أني فـارس القبيلة و يصيـــر
أمنية كل وحـدة أنـــي أنــا أصيـر زوجهــا .. و أستجمع قوتي و أروح أوقـف قــدام هـ الديناصـور

ويجيك الديناصـور ويمـر مـن جنبــي ، ولا عبـرني و لا كأني موجود .. ولا شئ من هذا القبيــل
قلت : هيه هيه هيه .. ماني مالي عينك أنـا هنــا ؟ أنا خبير تدعيس قواطي يا مال الطاعـون يصيبك
والله لـو ما تسلـم نفسـك هـ الحيـن لـ أحطك فـي قـوطي ميرندا أم نص ريال و أدعس عليك
رفع رأسـه ، و طالعنـي بـ نظرة إحتـقـــار .. و رجع يكمـل مشــيه بـ إتجـــاه البنــات
قلت : لا تحدنـي عـ الشـر يـ إبن الحـلال ! ترى والله مهـوب أحسـن لك
طالعنـي .. ولـ المرة الثـانية عـ التوالي صكني بـ نظرة إحتقار و رجع يكمل مشيـه
قلت : أقـووووول .. إتق شـر الحليـــم إذا غضب ..
وأمسكه من ذيله و أمحـط به في الأرض و أدوس عليـه بـ رجلـي اليميـــن
و أقـول : قايل لك لا تحدني عـ الشر بس ما سمت كلامي .. واصكها بـ إبتسامة صفراء
شـوي شلنـي من رجلي و محطني بـ الأرض 7 مرات ( وتر ) و حذفنـي إلا أنـا عنـد ســـويــر
قالت : لااااع لااااع .. لا تموت تراني أحبك .. ما أقدر أعيـش بـ دونك .. تكفى لا تخليني
قلت : إيش ؟ إيش ؟ .. و بنت عمـــــي ؟ << مسوي وفي لـ بنت عمه ما درت عنـه

ويجـيك الديناصـور مدرعـم علي أنا و سـويــر .. و أنا أطالع في سـوير و أطالع في الديناصور
قلت : قسم بـ الله أنا مالي دخـل ولا سـويت شئ ، هـي اللي كانت تتحرش بك مهوب أنا
قالت : يا هـامــور مالك داعي والله ، الشرهـة مهـوب عليك .. الشرهة عـ اللي يمشيك في الباص
قلت : خلي البـاص ينفعـك << هذا المستخدم جحد سويــر ..

شـوي .. حصل شئ غيـر منتظـــر .. شئ مهـوب معقــول .. جـاء رجـال وبنت يركـضون ويقــــولون
" عاااااااا ، إبتعدوا عـن طريقنا ، ترانا ناصين الديناصـور " .. و هـو بـ الفعـل نصاين الديناصور
( ناصي : يعني متوجه نحو .. و عندما يقال " أنا ناصي البيت " يعني " أنا متوجه نحو البيت " )
بـس ما درو أنهـم ناصيــن صبـات سمنت لو تصفق فيها دبابة تكسرت .. أقصـد أن الأخـوة الكرام
نصوا الديناصور و صكوا فيه و رجعوا صكوا في برج إيفيل و رجعوا صكوا مرة ثانية في الديناصور
و طاحوا عند رجله و الديناصـور أساساً ما حـس بهم .. و أطالع فيـهم و أمعـن النظـــر
طلع الرجال أحسن أحــــد .. و البنت طلعــت مشحوطه بخيزرانه( ترى إسمها الصدقي عمشـا )
قلت لـ أحسن أحــد : يـ أخـوي أنت ناشب لي حتى هنـا ؟ ما يكفى نشبت لي في السوق ذا اليوم ؟
قال : أنت ؟ هامور ؟ ما غيره ؟ .. لا حووووول ! أنا وش جابني عنـد الزلابة ذا
قلت : أقـول قم بس نواجـه ذا البلية الديناصـور وبعـديـن نتفاهــــم !

ولا أمدانـا قمنـا .. إلا الديناصـور يرفع يده و يصفـر .. وفي غضـون 13 ثـانيـة شفنـا حـوالي 500
ديناصـور تجمعوا حـوله .. و لا محالة ولا شك أنهـم ناويـن علينـا بـ شـــر << باقي تشكك
قــال أحسن أحد: نعنبوا داركـم .. ما تقولون أنكـم إنقرضتوا ؟ تضحكون علينا يـ اللي ما تستحون ؟!
قلت : أحسن أحد ، هيه .. يـ الأخـو ! يـ الحبيب .. حط رجلك بس لا يخلوني أنا و أنت أقلام سبورة
قال : و خبـرة السنين ؟ و الحرب العالميـة الثـانيــ ...
ما قدر يكمـل جملته .. لأنه قـام يركض و أنا ما بعـد تحركت .. المهـم ركضنـا و خلينـا سوير و عمشا
وشـوي وقـف أحسن أحد وقال : و البنـات ؟
قلت : توك تسأل عنهـم ؟ .. بلا بنات بلا هـم .. أنا أهم شئ عندي حياتي
قال أحسن أحد : لا لا .. لازم نـرجع ننقذهــــم
قلت : الله يستر عليك ! رح لـ وحدك .. أنا ماني رايـح معك
قــال أحسن أحد : إيش ؟ يا رجال أصلاً السعودية مليانه بنات ، وش نبي بـ ذولا ؟!
قلت : خفت يـوم أني قلت رح لـ حالك هـاه ؟
قال أحسن أحد: لا لا .. أصلاً أنا ما أخـاف من الديناصـورات
قلت : إيه إيه طيب ، صدقتك
ومشينـا شـوي .. بـس بـ صراحة أنبني ضميري و مسكني من حلقي و علقني في شجرة
ضميري قـوي مهـوب سهـل .. فـ قررنـا أنا وأحسن أحدنـرجع ننقـذ البنـــات .. !

ماذا سـ يجـري بعـد ذلك ؟ هل سـ ينقذ الهامور وأحسن أحد حقاً ؟ أم أنهم سـ يصبحون
صلصلة طماطـم السعودية عندمـا يشوفون الديناصورات ؟ هـذا ما سـ نعـرفه بعـد الفـاصـــل ..

- - - فاصــل إعـلاني - - - - -

هـل تشعـر بـ توعـك ؟ هل تعشـر بـ آلالام في العظام ؟ هـل أنت مصـدع ؟!
كـل هـذا حله عنـد ( فكـس ) .. فكـس ، الدهـان الأفضل .. ينصح به الأطباء

" يسعده يا ناااس لابس ثوب جديد " ، " حتى اليوم لابس جديد ، شكله أول خلفتها "
الجـديـد ليـس الثـوب و إنمـا هـو صابون تـايد .. بـ حبيباته البيضاء و الزرقاء و الخضراء
يبيـض حتى مع تكرار الغسيـل .. مع تاااااايييييد الغسيييل مافيـش مستحيييييل ..

هـل ضعيت بيتكـم ؟ محلولة ! مع خدمة الهاتف الجديدة أرسل رسالة إلى
999 و إكتب فيها " بيتي يا مال الطاعـون " و تأتيك رسالة بـ الموقع فوراً !
( ثبتوا " فوراً " ذي ، والله إني أرسلت رسالتيـن قبل شهـر ولا لـ الحين ما جاني شئ
دقيـت عليهـم .. يقـولون باقـي يبحثـون لي عـن الموقع اللي طلبتـه )

- - - عدنــــا - - - - -

جينـا أنـا و أحسن أحد لقينـا الديناصـورات حـول البنات و نـاويـن يخلونهـم كبسة لحم
بس في شـئ غــريب .. البنـات صـاروا ثلاث وهـم كـانـوا إثنيـــن بـــس !! غريب من جد !
بس ما لحقنا عليهـم .. خذوهـم الديناصـورات و راحـوا لـ قلعة الديناصـور الكبيــر ..

جلست أنـا و أحسن أحد ، فاقديـن الأمـل ( أمل سبق تعريفها في بداية الموضوع ) ..
ما ندري وش نسـوي .. الحيـرة ذابحتنـا .. هل نرجع السعودية ولا ننقذ البنات ..
قال أحسن أحد : وش نسـوي هـ الحيـن ؟
قلت : ما أدري والله ! إلا قـولي وش جابك أنـت هنـا ؟
قال : يـ أخي جاني تكليف من الجيـش أجي أنقذ واحـد ورطان بـ جزيرة البنـــات
لو أني داري أنه أنت اللي بـ أنقذه ما جيت أنت و خشتك ذي اللي كنها جنط سيارة
قلت : هيهيهيه .. ما تضحك أنت و خشتك ذي اللي يستخرجون منها زيت عافيـة
قال : هيهيهيه .. ما تضحك أنت و براطمـك اللي كنهـا ساحة تفحيـــط
قلت : هيهيهيه .. ما تضحك أنت و جبهتـك اللي كنهـا مدرج طيارات
قال : هيهيهيه .. ما تضحـك أنت و إذنك اللي كنهـا مرايـات جمـــس
قلت : طيـب وش قصـة البنـت ذي عمشا - وهمسة ريلاكس - اللي معـك ؟
قال : وأنـا جـاي بـ الطيـارة هبطت فـوق سطـوح بيتهـم فـ تعرفت عليهـا
وقالت أنهـا بـ تساعــدني على إنقاذك ، جزاها الله خير ما قصرت والله
قلت : خخخخخـ .. والحيـن هـي في حلق الديناصـور .. من جد ، تحبها ؟
قال : والله دايـم أتميلح قدامهـا و هـي ما تعطيني وجـــه
قلت : عـادي عـادي .. نفـس قصتــي مع أمــل .
قال : و أنت وش قصـة ذي البنت اللي معـك سـوير ؟
قلت : ذي مشتني بـ الباص أول ما جيت و حبتني بس أنا ما أعطيها وجه
قلت لهـا أني مخطـوب لـ بنت عمـــي .. ما أقدر والله أحبها و أتزوجها !
قال : أقول لا يكثـر بـس .. وش رأيك نـروح ننقذ البنـات ؟
قلت : أنا بـ أروح معك أنقذهم مهـوب عشان خششهم ، نفسي أعـرف البنت
الثالثــة ذي مـــن ويـــن جــت << هذا هـو همه مع وجهه ..
نـرجـع لـ مـوضوعنــا و خطتنـا .. حطينـا خطـة و إتفقنـا على أننا ننقــذ البنات
بـ طريقة الأفـلام .. بـ نلبس زي لبـس عمال النظـافـة حقيـن القصــر ،، وبـ الفعل
لبسنـا هـ اللبـس و رحنـا بـ ننقذ البنــات .. أول ما دخلنا القصـر مسكونـا
قلت : نعنبوك يا أحسن أحد أنت و خطتك اللي زي وجهـك
قال : أنت اللي مسـوي الخطـوة مهـوب أنـا
قالت رئيسة الحرس : وش عندكـم هنـا يا ملاقيـــف ؟
قلت : جايـن ننقذ البنـات من شر الديناصــور
قال أحسن أحد : بـس عنـدي سؤال ، كيف عرفتونـا ؟!
قالت رئيسة الحرس : ما عندنـا عمال نظافة يلبسون زبيريات
قلت : إسمعي طيب يا بنت الحـلال .. أنتي حلوة ،و إذا فكيتنـا أوعدك أزوجك أحسن أحد
هـي ما صدقت ! بغـت تجـنن .. راحت خدودهـا حمراء و فكتنــــا
وركضت من الخجـل داخـل القصـر .. بعـد فترة سمعنـا صـوت إرتطـام قــــوي
عـاد عرفنـا بعـديـن أنها من الخجل صكت في واحد من أعمدة القصر وهي ما تدري

المهـم دخلنا القصـر و رحنـا على طـول قسـم السجـون .. و نشبنـا عنـد السكرتيـه
تقــول السجـون عوايـل مافيه شباب يدخلون السجون .. طبعاً وعدتها نفس الوعـد
اللي وعدته رئيسة الحرس و صدقت الخبلة و راحت تركض وصكت في نفس العمـود

دخلنـا السجـن لقينـا البنات ..
قلت : مـن اللي معـكم هـاذي يا بنات ؟ << أول شئ يهمه
قالت سوير : هاذي نـــوير ( نورة ) ، رنين في منتديات ريلاكس عندنـا
( على فكرة .. نورة ذي من نفس طقة سارة .. يعني مـلاك ، وقمر 14 )
قلت : طيب من ويـن طلعت لكـــم ؟
قالت سويـر : واحـد من الديناصورات كـان مأكلهـا قبل أسبوع وطرشها عندنا قبل شوي
قلت : أهـااا .. يـ الله خـلاص حنـا ماشيـن
( يعني كل التصريفات و الوعود ذيك بس عشان نعرف الثالثة ذي منهي )
قال أحسن أحد : يـ أخي دام أنا وصلنـا هنـا خلنـا ننقذهـم << مسوي إنسانــي
وافقت أننا ننقذهـم و قـام أحسن أحد بـ سنونه قطـــع قضبان الحديد ، نعنبوه ماهي
أسنان ذي .. مفك علب تونة .. وأول ما طلعنـا البنات و جينا ماشيـن
و تقـوم سـوير وتنـط عنـدي و تمسكنـي تقـول : أنا بـ أمشي معـك
قالت نـويـر : هيه هيه أنتي .. لا تحسبيـن أنه لك لـ وحـدك !
قالت سوير : إيه إيه أنا أحبه و هـو يحبنـي
قالت نوير : وجـع ! قال يحبك قال ! هـو يحبني أنـا ..
وقامـوا يتضاربون .. و أنا مخليهـم على راحتهـم .. في كل الأحوال أنا كسبان
قاطعتهــم وقلت : بس خـلاااص .. خلوكـم مـن هـ التفاهات .. أنا غير بنت عمي ما أحب
وشكلهـم كذا خـذوهـا بـ رؤوسهـم و فهموا أني خـلاص ما احـب غيـر بنت عمـــي ..

ومشينـا الخمـسة أنا و الراسي و سـوير (أنثى جامحه ) و نوير ( رنين ) و عمشا ( همسة ريلاكس)
قـررنـا وحنـا في الطـريـق أننا نهـزم الديناصور الكبير .. بـ الذات إن حنـا خمسة يعني جماعة
<< هذا المستخـدم توه شـايـف فلــم وجــاي يقصـــه علينــــا ..

و بـ الفعـل اليـوم الثـاني و الديناصـور داخـل الجزيرة و نـوقف لـه الخمـســـة
قلت : إيه .. جبت جماعتي عشـان يورونك الشغـــل الصح يا قليل الأدب
قال أحسن أحد : أنت متأكـد أننـا بـ نقـدر نواجه هذا ؟
قلت : يا رجال ! قـو قلبك ولا تصيـر خواااااااااااااااف
ثم صحت لـ الديناصور وقلت : يـ الله أنا بـ أخليك مع ذولا يتفاهمون معك و أنا رايح شوي و جـاي
( خخخخخخـ .. هـذا اللي مســـوي فيهــا رجــال و ما يخـاااف )

ويقـوم الدينـاصـور و بـ ذيله يـشل 4 من شلتـي ( يعني ما بقى إلا أنـا ) ومحـط بهـم
في أقـرب جبـل .. و جاهـم غيبوبـــة كلهـم و تسدحـوا ..
قلت : لااااع لااااع لااااع .. جماعتي ! شلتي ! لييييش يـ اللي مافي قلبك رحمـة ؟
قالت : اممبببااااااااااااااااااااااااااااااااااااع ( يـ أخوي تأكد هـو ديناصور ولا خروف )
قلت : إسمـع تـرى طفـح الكيـل منك وبلغ السيـل الزبـى ..

وأمسكـه مع ذيلة مرة ثانية و أمحط به الأرض بس هـ المرة مكسته زيـن عشـان ما
يقلب علي ، بـس قدر يفلت منـــي .. و أجيـب ماصـورة و أصكـه على رأسـه وطـاح
و أركض و أنا أقـول " عاااااااااااا " و أدفه بـ رجلي إلا هـو يتقلب و يتشقلـب على رأسه
( يا كثـر الصواريـخ و الأرانــب اللي تمــر مـــن هنـــــا )
ويقـوم ويفتـح فمه و يطلع نـار يبغـى يشـويني .. وأجيــب طفاية حــريق وأبخها عليه
( لا تسألون من وين جبت الماصورة و طفاية الحريق .. مشوهـا ولا تدققون وتصيرون قلق )

و يطلع سكينة من جيبه و يقـرب هـ السكينة من وجهي و أنا أبعدها ، و يقربها و أبعدها
ويقربها و أبعدهـا .. ( يا عالم أنتوا تشوفون أن الصواريخ و الأرانب بدأت تكثر ولا أنا متوهـم )

وشـوي إلا أبـوي ماسـكني من رقبتي ويقـول " قم لا بارك الله فيك يا قليــــل الأدب
نايـم لـ الظهـر و أنا عنـد الغنـم من الصباح ! مـتى بـ تصيــر تنفعنـــي أنت يـ الداشر يـ الصايع ؟!
هـذا والله من أمك ، دلعتك ليـن صرت تنام إلى الظهـر .. أمك الله يأخذ عمر إبليسهـا هي
اللي خربتك و لا شف أخوانك كلهم رجاجيل مهـوب مثلك يـ الزلابة ، يـ الرخمة .... الخ "
( طبعاً حذفت بعـض الكلمات إحتراماً لـ الذوق العـام .. بعـديـن أنا أقول من ويـن ورثــت
كثـرة الهـرج .. أثارينــي طالع على أبـــوي الله يحفظه و يخليـــه )

قمت و أنـا مقهـور .. و أقـول والله لو خلانـي أبـوي شـوي كـان سحـبت هـ الديناصور
و ذبحته و وزعـت لحمه على بنات الجزيرة عشان يعرفون قــــدر شجاعتـــــــي
<< يا رجال تحمد ربك أن أبوك صحاك ولا كان تلقى الديناصور ماسكك مع شوشتك
ويمسح بك أرض الجزيرة طول و عـرض زي المكنسة

النهاية .. THE END << مســـوي زي الأفلام
تمت طباعة الترجمة في إستيديوهات الرياض

عذراً لـ أصحاب الشخصيات المذكورة آنافاً .. اللي زعل يشرب من ماء البحر
( من عاشر القـوم صـار منهـم ، حتى ذا صـار ما عنده أسلـــوب )
تـرى والله السالفة كلها مزح في مزح .. بـ الذات أنتي يا صاحبة السمو لا تزعليـن
و لا تنسـون تمرون تأخذون الزعل الي حطيتوه بـ صندوق الأمـانات في بداية
الموضوع ولا يعتبر الصندوق مسؤول عـن أي زعل لـ شخص بعد مرور يـوميـن
بـ نأخـذهـا ونـروح نبيعهـا في أقـرب حـراج
<< يـ أخـوي أنا بـ أسئلك سؤال
>> تفضل !
<< ما تعبت و أنت تكتب المـوضوع ؟
>> ههههـ .. إلا جاني تشنج في أصابعـي

قلنـا خـلاص يا هـووووو

يارب تكون القصه الخرافيه أعجبتكم


تقبلو تحيات أخوكم : الهــــــــــــــامــــــــــــــــــوووووووووور

[همسة ريلاكس]

<< إمكسـوا الولد تراه مسك خـط في السـوالف

بقووووووووووووه

بطــــولة : الهــــــــــامـــــــــور( أكيد يعني ، ما أحـلاني كاتب قصة ماني بطلها )
أحسن أحــــد ، و صاحبة السمو الملكي و همسة ريلاكس

اخس من قدي

أحـب أشـوف قـوطي بيبسي
أو ميرندا و أدعـس عليه بـ رجلي .. أستمتع جداً خاصةً إذا سمعت صـوت زي كـــــذا
" قشغغغغغ " .. يا سلاااااام .. بس تراني ما أتعامل بـ قواطي الكولا و الفانتا

الله من زين الهوايه

( تصدقون مـرة كنت أسـوق بـ السيارة في شارع فيه قواطي كثار بس أنها متباعدة
وكل واحـد في مكـان وأقعـد لكم زي المخبول .. يمين ، شمال .. ورى هـ القواطـي
شافتني الدورية و وقفتنـي ، والله ما أكذب عليكم أنه وقفني بـ تهمة قيادة السيارة
تحت تأثيـر المسكـر بس بـ الله صدق أني صاحي وألحق ورى القواطي )

ههههههههههههههههههههههههههههههههههههه

مهبوووووووووول :p

وخذوني بـ خشتي و ودوني لـ خيمة كبيـرة و فيهـا وحـدة أعـوذ بـ الله .. تخـرع اللي ما
يتخـرع .. أصلاً تشوفها مكتوب على وجهها " إستر ما واجهت " من شينهـا
تطيـح الذباب من السمـاء .. هاذي طلعت رئيسة البنات و إسمهـا ( صاحبة السمو الملكي )
<< بـ يطلع حرته فيـك

هامووووور الله يرحمك

قلت : أقصـد لا حـول ولا قـوة إلا بـ الله ! أجل أنتي أميرة البنـات ؟ ( أحس أن صاحبة السمو حقدت علي )

حدك عاد هذي صقيقتي صح صح

ما راضى عليها

صح صح ما عليك منه انتي اميييرة وقمر البنات كلللهم :004: :004:

عـاد ذي البنت قامت خذتنـي و ركبتنـي البـاص .. طبعاً البنــت ذي
وش أوصف لكـم منهـا و وش أخلي ؟ وش جماال ؟ وش حلا ؟ وش روووعـة ؟ يعني ملاك و قمر 14
إسمهـا الصدق سـارة و تلقب في الجزيرة بـ سوير .. عرفت بعدين إنهـم يسمونهـا
في منتديات ريلاكس همسة ريلاكس ..

احم احم :060: :060: :060: :060: :060: :060:

بس من اللي منصب عليك وقايل ان اسمي ساره :mad:

قلت : با بنت الحلال لا تقوليـن حبيتني ، تراني مخطوب لـ بنت عمـي

يا شيييييييخ

قالت : يا هـامــور مالك داعي والله ، الشرهـة مهـوب عليك .. الشرهة عـ اللي يمشيك في الباص
قلت : خلي البـاص ينفعـك << هذا المستخدم جحد سويــر ..

:mad: :mad: :mad: :mad: :mad: :mad:

ومشينـا الخمـسة أنا و الراسي و سـوير (أنثى جامحه ) و نوير ( رنين ) و عمشا ( همسة ريلاكس)

هييييييييييييييييييه

انا مب عمشا


انا سوير((على قولتك)) القمر

وشـوي إلا أبـوي ماسـكني من رقبتي ويقـول " قم لا بارك الله فيك يا قليــــل الأدب
نايـم لـ الظهـر و أنا عنـد الغنـم من الصباح ! مـتى بـ تصيــر تنفعنـــي أنت يـ الداشر يـ الصايع ؟!
هـذا والله من أمك ، دلعتك ليـن صرت تنام إلى الظهـر .. أمك الله يأخذ عمر إبليسهـا هي
اللي خربتك و لا شف أخوانك كلهم رجاجيل مهـوب مثلك يـ الزلابة ، يـ الرخمة .... الخ "
( طبعاً حذفت بعـض الكلمات إحتراماً لـ الذوق العـام .. بعـديـن أنا أقول من ويـن ورثــت
كثـرة الهـرج .. أثارينــي طالع على أبـــوي الله يحفظه و يخليـــه )

هههههههههههههههههههههههههههههههههههههههههههههههههه هههه
:D :D :D :D :D :D :D :D :D :D

النهاية .. THE END << مســـوي زي الأفلام

:( :( :( :( :( :( :( :( :( :(

لا حلوه القصه لا تخلص


هاااااااااااااااموووووووووووووووووووووور

صدقني القصه مره مره مره مره رووووووووووووووووووعه

تسلم هالادياااااات

يعطيك الف الف الف الف عافيه

وعسانا ما ننحرم من جديدك

هموووووووووووووووسه مرت

[الهـــامـــور]

بقووووووووووووه



اخس من قدي



الله من زين الهوايه



ههههههههههههههههههههههههههههههههههههه

مهبوووووووووول :p



هامووووور الله يرحمك



حدك عاد هذي صقيقتي صح صح

ما راضى عليها

صح صح ما عليك منه انتي اميييرة وقمر البنات كلللهم :004: :004:



احم احم :060: :060: :060: :060: :060: :060:

بس من اللي منصب عليك وقايل ان اسمي ساره :mad:



يا شيييييييخ



:mad: :mad: :mad: :mad: :mad: :mad:



هييييييييييييييييييه

انا مب عمشا


انا سوير((على قولتك)) القمر



هههههههههههههههههههههههههههههههههههههههههههههههههه هههه
:D :D :D :D :D :D :D :D :D :D



:( :( :( :( :( :( :( :( :( :(

لا حلوه القصه لا تخلص


هاااااااااااااااموووووووووووووووووووووور

صدقني القصه مره مره مره مره رووووووووووووووووووعه

تسلم هالادياااااات

يعطيك الف الف الف الف عافيه

وعسانا ما ننحرم من جديدك

هموووووووووووووووسه مرت

أشكرك على مرورك وعلى تعليق الجميل وأتمنى ما تكوني زعلانه مني
أعجبتك
وتقبلي تعقيبي البسيط

[أحسن أحد]

غنــاء الفنـان القـديـر و الكبير في الساحة العامة :ماني حلو بس ماني شين

يعــيــش شعــبولا .. يــعــيش .. يــعــيــش .. :D ..


وجـدت أنه لا أحـد يقـدر ذكائـي و عبقريتي
و لا حتى موهبتـي في تدعيـس قواطي البيبسي و المرندا ( الله من زين الموهبة )


هههههههههههههههه

الله يرحم أيام الإبتدائــيــة .. :D ..

الصبح .. كانوا يجون ناس مصحصين ..

يعفطون القواطي ويلعبون فيها كوره قبل الطابور .. :( ..

شكلك منهم .. :008: ..




ركبتها سوداء ،

الجنسية .. سعوديه .. :D ..


ركبتها ماهـي سوداء

الجنسيه .. غير ذلكـ .. :D ..

قالت صاحبة السمو : وش ذا اللي جايبينه ؟ رجال ؟ يـ اللي ما تستحـون !
قالوا البنات : لقيناه معلق في شجرة و يقـول " لو أني قاعد بـ ديرتي أصرف لي والله

الله يالدنيا ..

صرت معلق في شجره .. :( ..

من عقب ماكنت متعلق في الأسهم ,, :D <=== وش يبي ذااا :( ..

قلت : لحظة لحظة

لحظه لجظه ,, مو بيديا .

لا تزيد اللوم فيــا ..

لانت قيس بن الملوح ..

ولاني ليلى العامريه ..

<== وش جاب ساندرا تغني .. :D .. ؟! ..

قلت : أقـول أنا قايـم أشتكي لـ مجلس الشوري ، حتى جزر ربي صارت عوائل ، ماهي حالة ذي

اسكت بس ..

لا تصير المدارس .. والجامعات .. دخولها للعوائل بس .. :D ..

صدق اللي قال " الطير بلا جنحان كـ المرآة الخليجيـة بلا شغــالة "

ههههههههههههههههه

أحلى مثل سمعته .. :D ..

قلت : إييييييييه و أنا اقـول من يخطف البنات الصغار عندنا بـ السعودية ..

أفا ياصاحبه .. :( ..

طلعتي من الي يسرقون البزران عند الحرم .. :( ..

قلت : لا والله ! نسيـت أصـور خشتك عشـان إذا رجعت لـ بنـات السعـودية اقولهـم
تحمدوا الله ، تـرى في أشيـن منكـم في العـالم ذا

يعني فيه وحده أشين من فتون الي كانت تجي بالحياله .. :D .. ؟!

مــا أتــوقــع .. :D ..


قلت : إسمعي . سمعت أن فيـه ديناصـور يجـي يذبح فيكـم
هـدوني عليه والله لـ أحـوس مريره و أريحكـم منـــه

أشوى إن أول من بيزبـن منه أنت .. :008: ..

أو إنك تسوي معه عقد .. إنك تطلع من الجزيره ويخليك بحالك هههههههههه

و أنا طالع قلت : تبغــون الديناصـور مفطـح و لا ثلاجـــة ؟ << الله من زود الثقة

ذكرتني بالي دخل ماكدونالدز ,, وقال أبي الطلب سفري ما أبيه محلي هههههههه

يحسبه داخل مطعم بخاري الأخ .. :D ..


أنـا حـامـل سلاحـي الفتاك .. نبيطة من أيام الحرب العالمية الثانيـة .. تذكر يا أحسن أحــد ؟
إيه إيه .. يوم فلقنـا رأس هتلر !

لا تذكرني ياشيخ .. :( ..

كل ماتذكرت إني قتلت 452 نفس ..

ضاق صدري .. وقلت ليه أنا كنت شرير .. :( .. <=== ماودكـ تنطم .. :D .. حدك تقتل ذبانه والا نمله وتخب بعد .. :D ..


طبعاً أنـا عـرفت فيما بعد أنهـا ديناصـوره و ليست
ديناصور .. أقصد أنها أنثى ديناصور

إعـــتــرف .

وشلون عرفت .. !! :54455:


ويجيك الديناصـور ويمـر مـن جنبــي ، ولا عبـرني و لا كأني موجود .. ولا شئ من هذا القبيــل

ههههههههههههه

يلعن أم النحطيم الي زي كذا .. :D ..

أبوووووك يالإستحقار .. :008: ..

رفع رأسـه ، و طالعنـي بـ نظرة إحتـقـــار .. و رجع يكمـل مشــيه بـ إتجـــاه البنــات

تلفت صوبي وطالع فيا يا محبوبي يا أغلاهم هههههه <== وش عنده فاتح فرع طقاقه اليوم .. :D ..


قلت : قسم بـ الله أنا مالي دخـل ولا سـويت شئ ، هـي اللي كانت تتحرش بك مهوب أنا

ههههههههههههه

صرت زي الي يهايط على راعي سياره ويبيه يوقف عشان يضربه ..

يوم وقف وشاف معه ناس واجد ..

قال لا بس كنت بقول لك إن الكفر منسم هههههههههههههه

نصوا الديناصور و صكوا فيه و رجعوا صكوا في برج إيفيل و رجعوا صكوا مرة ثانية في الديناصور
و طاحوا عند رجله و الديناصـور أساساً ما حـس بهم .. و أطالع فيـهم و أمعـن النظـــر
طلع الرجال أحسن أحــــد ..

فيه أحد ببيتهم ديناصر يبيني أذبحه ؟! :D ..

علموني .. ترانا نخدك ببلاش :D


ولا أمدانـا قمنـا .. إلا الديناصـور يرفع يده و يصفـر .. وفي غضـون 13 ثـانيـة شفنـا حـوالي 500
ديناصـور تجمعوا حـوله

ذكرتني بفئه معينه من الناس ..

ماتضارب الا إذا كانوا فوق 20 واحد ,, :008: ,,

أما إذا كان الواحد بلحاله .. انسى يتحرش فيك .. :10111: ..


قال : و خبـرة السنين ؟ و الحرب العالميـة الثـانيــ ...
ما قدر يكمـل جملته .. لأنه قـام يركض و أنا ما بعـد تحركت

أفاااااا .. :( . .

حتى أنا طلعت زلابه .. :D ..

قال أحسن أحد : لا لا .. لازم نـرجع ننقذهــــم

وفــي أنا .. طول عمري .. وفي .. :D ..


قال : يـ أخي جاني تكليف من الجيـش أجي أنقذ واحـد ورطان بـ جزيرة البنـــات
لو أني داري أنه أنت اللي بـ أنقذه ما جيت أنت و خشتك ذي اللي كنها جنط سيارة

.. :D ..

قالت رئيسة الحرس : ما عندنـا عمال نظافة يلبسون زبيريات

تعيش القصيم .. تعيش ههههههههههههههههه

قلت : إسمعي طيب يا بنت الحـلال .. أنتي حلوة ،و إذا فكيتنـا أوعدك أزوجك أحسن أحد

وأنت على كيف آبوك .. أي بنت تورطني فيها .. :( ..


نايـم لـ الظهـر و أنا عنـد الغنـم من الصباح !

طلع عندكم غنم .. يالقروي :( ..


___________

الهامور ..

الله يرجك على هالقصه .. :D ..


بس بفيت أقول لك شي ..

الديناصورات .. ترى كثيرهـ في هالزمن .. :10111: ..

وقبل أنسى ..

نسخة من الموضوع إلى المميـــزه .. بعد إكتــمــال الردود ..





.. :rose: ..






.

[.$ صاحبة السمو الملكي $.]

<< تحسـون أن الولد و هـو يكتــــب خــاااااش جــــو وبـ قـــوة

بقوووووووووووه :D

في ذلك اليـوم .. و السمـاء صافيـة و الرياح عاتيـة .. و الشمـس كاسية .. والأرض منفولطية

وجهك يقول على هالحكي انك صاقط بكل المواد الا التعبـــــــير ناجح فيه :D
اما القواطي صاقط بكل المواد الا الفسحه والطلعه ناجح وبأمتياز :D

و لا يهـون سـامـي الجـابر
<< يدور تصفيق من الهلاليـن اليـوم ..
:2: :2: :2: :2: :2:

( تصدقون مـرة كنت أسـوق بـ السيارة في شارع فيه قواطي كثار بس أنها متباعدة
وكل واحـد في مكـان وأقعـد لكم زي المخبول .. يمين ، شمال .. ورى هـ القواطـي
شافتني الدورية و وقفتنـي ، والله ما أكذب عليكم أنه وقفني بـ تهمة قيادة السيارة
تحت تأثيـر المسكـر بس بـ الله صدق أني صاحي وألحق ورى القواطي )
هههههههههههههههههههههههههههههههههههههههههههههههههه هههههههههههههههههههههههههههههههههه

تصدق ذكرتني بقصة واحد يقول اذا ركب مع زوجته ( طبعاً بالايام الاولى) يقول ما احب اشوف علبة عصير ما افقعها بالكفر وطبعاً من تحت لتحت عشان ماتتحمد عليه يقول جا ذاك اليوم وكان معصب مر من علبة عصير ولا فقعها يقول قالت لي غريبه مافقعتاها :D قال وشي قالت علبة العصير يقول رجعت الا حق النظافه ظافها نزلت له قلت رجعها :D يقول بعدين دعستها ومشيت :D
هههههههههههههههههههههههههههههههههههههههههههههه
اظاهر يبيلكم علاج عندي غالبيتكم كذا ليش :confused:

من قوتهـا قلعت النخيل و ذبحت الجمال و البعارين ( نخل و جمال في وسط البحـر ؟

:confused: نخل وحوت واسماك وبحر وجمال وبعارين كيف تجتمع بمكان واحد :confused:
بس اظاهر بقصتك مافيه شي مستحيل :D


وحـدة أعـوذ بـ الله .. تخـرع اللي ما
يتخـرع .. أصلاً تشوفها مكتوب على وجهها " إستر ما واجهت " من شينهـا
تطيـح الذباب من السمـاء .. هاذي طلعت رئيسة البنات و إسمهـا ( صاحبة السمو الملكي )
هااااااموروه
[Link nur für registrierte Benutzer sichtbar] [Link nur für registrierte Benutzer sichtbar] [Link nur für registrierte Benutzer sichtbar] [Link nur für registrierte Benutzer sichtbar] [Link nur für registrierte Benutzer sichtbar] [Link nur für registrierte Benutzer sichtbar]
:6: :6: :6:

اظاهر انك ناويه يكون عزاك بآخر هالاجازه وبداية دوامات يااااااااارجال بترتاح :4184:

لكن بيني وبينك كنت اروع مررررره؟؟ :060:

يعني زي كذا
7
7
[Link nur für registrierte Benutzer sichtbar]

اذا زي كذا ما الومك :D

لكن يبيلك من يفقع وجهك [Link nur für registrierte Benutzer sichtbar] [Link nur für registrierte Benutzer sichtbar] عشان تعرف تسب


<< بـ يطلع حرته فيـك
:eek: وانا وش سويتلك وجع يوجع العدو

المهـم يـوم شفاتنـي و تولع و تصير خدودها تركواز و يطلع لها قرون و يوقف شعـر
رأسهـا و تتوسع عيونها .. يعني حالة مدري وش تبغـى ..
تركواز :D وش معنى هاللون
لكن يالله ذا اللي يبزا شكلي اللي يعور البطن ويجيب المغص :D


أحس أن صاحبة السمو حقدت علي )
بدون ما تحس تأكد وتيقن اني حقدت عليك :15: لكن اصبر علي يالشين :4184:

وش أوصف لكـم منهـا و وش أخلي ؟ وش جماال ؟ وش حلا ؟ وش روووعـة ؟ يعني ملاك و قمر 14

:14: طب وش معنى كل البنات زيون الا انا شينه مره :14:
غش وتفرقه وظلم واكل لحقوقي :3:
إييييييييه و أنا اقـول من يخطف البنات الصغار عندنا بـ السعودية .. حرام والله حطوها
في رأس بو هنـود طلعت هـ الشينة

اخطفهم عشان اريحهم منكم وتلاقيهم الحين كلــــــــــــــــهم يدعون لي :008:

وبعدين لا ضلمت ابو هنود ولا شي انا وياه فاتحين شركه :D

أجـل تبينه يأكل بنات الخليج ؟ ، والله لـ يجيه مغـص يسرسر بطنه سرسار

مســــــــــــــــــــــــ :mad: ـــــــــــكين ارحمك والله
خصوصاً بنات السعوديه موب ساطي ياكلهم لانهم حلوات :008:

قلت : تكفيـن لا تفقديـن أعصابك تشينيـن أكثـر ممـا أنتي شينة هـ الحيـن
وتشـل سـيـف من سيـوف أحد حرسهـا و تجي مدرعمة ، شكلي رفعت ضغطها
لا شكلك والله اعلم ناوي تقدم عزاك والا؟؟؟؟ :4184:

من جد رفعة ضغطي :D

المهـم و يطلـع لي ذاك الشئ الكبيييير .. أول ما شفته توقعت أن صاحبة السمو سـرقت بـرج المملكة
على بالها بنت صغيـرة بـ تربيها ، بعـديـن قلت لا ، يمكـن جابته عشان الــبنات ..
:D :D شفت يعني مونستهم وموسعه صدورهم وش يبون اكثر من كذا :008:

أمها خليجية << شاف ركبتهــــا لونها أسود ..
<< هـذا المستخـدم يحـس أنه بنات الخليـج حقدوا عليـه اليـوم حقد كااااافــي ..
من جد وبعدين انتم تعرفون ليش ركب الخليج سود لانها دايم على الارض ياتزحف :D بتنتقل من مكان ( بالمجلس )الى آخر>>>اتوقع فهمتوا :confused: والا اذا جت تصلي تسجد على ركبها ( بعد تسجد على وشو عشان ماتسود :confused: ) بس تراها موب سودا مره :060:


" يسعده يا ناااس لابس ثوب جديد " ، " حتى اليوم لابس جديد ، شكله أول خلفتها "
الجـديـد ليـس الثـوب و إنمـا هـو صابون تـايد .. بـ حبيباته البيضاء و الزرقاء و الخضراء
يبيـض حتى مع تكرار الغسيـل .. مع تاااااايييييد الغسيييل مافيـش مستحيييييل ..

هههههههههههههههههههههههههههههههههههههههههههههههههه

واضح انك من اشد المتابعين للدعايات :D

ومشينـا الخمـسة أنا و الراسي و سـوير (أنثى جامحه ) و نوير ( رنين ) و عمشا ( همسة ريلاكس)

لا عندك غلطه سوير ( همسه ) ونوير ( رنين ) وعمشا ( مشحوطه ) >>>>>>متابعه اكثر منك :D

هـذا والله من أمك ، دلعتك ليـن صرت تنام إلى الظهـر ..
اجل لو صرت تنام الى العصر والا المغرب وش تصير امك مسويه بك :D


ركبتها سوداء ،

الجنسية .. سعوديه .. ..

ارفق على حالك انت وياه ياالبنانيين
من زينكم عاد يالكويحيين :4184:
على غفله بعض عيال الامارات والا عيال لبنان يهبلون
تراكم انتم بعد شيون على الاقل السعوديه ركبها بس سود ولاهوب واجد تطلع انتم كلكم سود :008:
:mad:
انــــــــــــــــــــــــظبط انت وياه :4184:


شووووووووووووووووووووووكرن :rose: هامور قريح ولو ان القصه مبنيه على تهزيئي لكن بما اني ضحكت واجد الله يرجك رجاً مبرحاً الى يوم الدين :D بمشيها لك بس موب كلها يعني بدال مايكون عزا راح تكون زياراة بالانعاش :D
شنكيو هاموروه :rose:

[الهـــامـــور]

بقوووووووووووه :D



وجهك يقول على هالحكي انك صاقط بكل المواد الا التعبـــــــير ناجح فيه :D
اما القواطي صاقط بكل المواد الا الفسحه والطلعه ناجح وبأمتياز :D


:2: :2: :2: :2: :2:


هههههههههههههههههههههههههههههههههههههههههههههههههه هههههههههههههههههههههههههههههههههه

تصدق ذكرتني بقصة واحد يقول اذا ركب مع زوجته ( طبعاً بالايام الاولى) يقول ما احب اشوف علبة عصير ما افقعها بالكفر وطبعاً من تحت لتحت عشان ماتتحمد عليه يقول جا ذاك اليوم وكان معصب مر من علبة عصير ولا فقعها يقول قالت لي غريبه مافقعتاها :D قال وشي قالت علبة العصير يقول رجعت الا حق النظافه ظافها نزلت له قلت رجعها :D يقول بعدين دعستها ومشيت :D
هههههههههههههههههههههههههههههههههههههههههههههه
اظاهر يبيلكم علاج عندي غالبيتكم كذا ليش :confused:



:confused: نخل وحوت واسماك وبحر وجمال وبعارين كيف تجتمع بمكان واحد :confused:
بس اظاهر بقصتك مافيه شي مستحيل :D



هااااااموروه
[Link nur für registrierte Benutzer sichtbar] [Link nur für registrierte Benutzer sichtbar] [Link nur für registrierte Benutzer sichtbar] [Link nur für registrierte Benutzer sichtbar] [Link nur für registrierte Benutzer sichtbar] [Link nur für registrierte Benutzer sichtbar]
:6: :6: :6:

اظاهر انك ناويه يكون عزاك بآخر هالاجازه وبداية دوامات يااااااااارجال بترتاح :4184:

لكن بيني وبينك كنت اروع مررررره؟؟ :060:

يعني زي كذا
7
7
[Link nur für registrierte Benutzer sichtbar]

اذا زي كذا ما الومك :D

لكن يبيلك من يفقع وجهك [Link nur für registrierte Benutzer sichtbar] [Link nur für registrierte Benutzer sichtbar] عشان تعرف تسب



:eek: وانا وش سويتلك وجع يوجع العدو


تركواز :D وش معنى هاللون
لكن يالله ذا اللي يبزا شكلي اللي يعور البطن ويجيب المغص :D



بدون ما تحس تأكد وتيقن اني حقدت عليك :15: لكن اصبر علي يالشين :4184:



:14: طب وش معنى كل البنات زيون الا انا شينه مره :14:
غش وتفرقه وظلم واكل لحقوقي :3:


اخطفهم عشان اريحهم منكم وتلاقيهم الحين كلــــــــــــــــهم يدعون لي :008:

وبعدين لا ضلمت ابو هنود ولا شي انا وياه فاتحين شركه :D



مســــــــــــــــــــــــ :mad: ـــــــــــكين ارحمك والله
خصوصاً بنات السعوديه موب ساطي ياكلهم لانهم حلوات :008:


لا شكلك والله اعلم ناوي تقدم عزاك والا؟؟؟؟ :4184:

من جد رفعة ضغطي :D


:D :D شفت يعني مونستهم وموسعه صدورهم وش يبون اكثر من كذا :008:


من جد وبعدين انتم تعرفون ليش ركب الخليج سود لانها دايم على الارض ياتزحف :D بتنتقل من مكان ( بالمجلس )الى آخر>>>اتوقع فهمتوا :confused: والا اذا جت تصلي تسجد على ركبها ( بعد تسجد على وشو عشان ماتسود :confused: ) بس تراها موب سودا مره :060:




هههههههههههههههههههههههههههههههههههههههههههههههههه

واضح انك من اشد المتابعين للدعايات :D



لا عندك غلطه سوير ( همسه ) ونوير ( رنين ) وعمشا ( مشحوطه ) >>>>>>متابعه اكثر منك :D


اجل لو صرت تنام الى العصر والا المغرب وش تصير امك مسويه بك :D




ارفق على حالك انت وياه ياالبنانيين
من زينكم عاد يالكويحيين :4184:
على غفله بعض عيال الامارات والا عيال لبنان يهبلون
تراكم انتم بعد شيون على الاقل السعوديه ركبها بس سود ولاهوب واجد تطلع انتم كلكم سود :008:
:mad:
انــــــــــــــــــــــــظبط انت وياه :4184:


شووووووووووووووووووووووكرن :rose: هامور قريح ولو ان القصه مبنيه على تهزيئي لكن بما اني ضحكت واجد الله يرجك رجاً مبرحاً الى يوم الدين :D بمشيها لك بس موب كلها يعني بدال مايكون عزا راح تكون زياراة بالانعاش :D
شنكيو هاموروه :rose:

إذا كنت زعلتك حقك علي ..................

لاتزعلين وإذا كنتي زعلانه مالك إلا اللي يؤضيك

[.$ صاحبة السمو الملكي $.]

وش الرضاوه عشان اشوف ازعل والا لا؟؟؟

[أنثى جامحه !]

هههههههههههه مهبل جد :d

[الهـــامـــور]

وش الرضاوه عشان اشوف ازعل والا لا؟؟؟

وش الي يرضيك وأنا مستعد ..............

أنا من طبعي ما أزعل أحد ولا أحب أحد يزعل مني لانكم غالين علي

[سفير الكلمة]

يفيد مكتب الفنان الكبير ماني حلو بس ماني شين أن أغنية هذا الفيلم هديه من الفنان ماني إلى الأعضاء

الكرام بمناسبة قرب بدء الدراسه

أما بالنسبه للهامور أقوله

أول شئ الله يقلع إبليسك والله إني يالله كملت القصه

ياخوي أختصر شوي المره الثانيه

الهامور

والله إنك منسم

وماعليك شب على البنات السعوديات

<<<<<<< وش عنده اللبناني

الهامور

المره الثانيه أبأخذ منك فلوس حق الأغنيه الجايه


ههههههههههههههههه

صح صح مادريت إنك كذا يعني لها الدرجه شينه لا ومن زين الطبايع

حاطه صورت نانسي بالتوقيع

صح صح

يالشينه


هههههههههههههههههه

[.$ صاحبة السمو الملكي $.]

وش الي يرضيك وأنا مستعد ..............

أنا من طبعي ما أزعل أحد ولا أحب أحد يزعل مني لانكم غالين علي

لا لا لا مايمديني ع السنــاعه والذرابه هذي

لا مابي رضاوه شوووكرن صلاً مازعلت وش دعوى ازعل:)

بس استهبل

[الهـــامـــور]

لا لا لا مايمديني ع السنــاعه والذرابه هذي

لا مابي رضاوه شوووكرن صلاً مازعلت وش دعوى ازعل:)

بس استهبل

هذا كله من طيبت قلبك الله يحفظك وحقك علي

[.$ صاحبة السمو الملكي $.]

وماعليك شب على البنات السعوديات

<<<<<<< وش عنده اللبناني

من جد ياللبناني :mad:
وبعدين نهايتك بتاخذ سعوديه يالدب :mad:

صح صح مادريت إنك كذا يعني لها الدرجه شينه لا ومن زين الطبايع

حاطه صورت نانسي بالتوقيع

صح صح

يالشينه

شفت شلون وانت طلعت شايب محكك وراعي مزاج بالشاهي وقال ايش مااحب الشاهي وتوي بريعان شبابي :D

هذا كله من طيبت قلبك الله يحفظك وحقك علي
:060:

[الهـــامـــور]

يعطيكم العافيه جميعا على هذا المرور

وترقبوا القصة القادمه

أخوكم
الهامورررررر

[أحسن أحد]

نــســخــة مــن المــوضــوع إلــى الــمــمــيــزهـ .. :119: ..