أطلب منكم المساعدة .. لمن يرغب في المساعدة ....

[ريلاكسينيو]

مساكم الله بالخير جميعا ً ..
عساكم طيبيين ومرتاحين ومتعافين وماكلين وشاربين موية وكل شي .

أنا بصراحة توني بايع سيارتي قبل شهرين وهي كابرس Ss موديله 2004 ، والحمد لله جابلي قيمة طيبه والآن معي 100,000 ريال وبصراحة محتاااااار مدري وش أشتري ..

فكرت بصراحة بالسيارات هذي ، وارجوا منكم مساعدتي في الأختيار ..
1- سيات ( ليون S )
2- هوندا أكورد (v6)
3- لكزس Ls460 <<<<< صح يالكااااش !!!

هههههههههههههههه أم 460 .. باقيلي 200,000 ريال ــــــــــــ> أحد يسلفني ؟؟ :008:

حتى لو سيارة مستعملة بس تكون مثلا ً ياباني لأن المستعمل ما يضر الياباني .

أستنى ردودكم .. وأشكركم مقدما على المساعدة

[أحسن أحد]

أنا أنصحك بالأفالون الجديده . حلوه مواصفاتها . وماهي منتشره كثير بين الناس . :119:

[a7la wa7d]

انصحك بالأفالون مثل اخوي احسن احد موتر بطل ويكفيك انه تويوتا :)

[Sucrose]

والله شوف
يقولون اذا بغيت تحيره ف خيره

وانت بتحتار كثير وكل يوم بتنط في وجهك سياره جديده

الافالون بطله وبعدين شكلها جديد يعني بيطول ماتغير

اما عن انك حاط في بالك سيات او اكورد
السيات حلو وفيها مواصبات كثيره لكن مشكلتها قطعها
الاكورد حلوه بس لكن كانك رسيت عليها خذ 4 سلندر اوفر بنزين واهدى صوت

وكانك تبي 460 فيه حول بيتنا ارض بيبنون فله وبيبون احد بحفر لهم القواعد

عموما علمنا باللي يستجد معك ترا خبرة سيارات

ولك صادق الود

سكرررررررررروز

[أشواق]

طيب خذ همر <<<<< اطلعي برى ى ى ى :D

[سفير الكلمة]

والله تبي رايي

الأفالون سياره مواصفتها حلوه

شكلها إنسيابي

تويوتا


يعني أعتقد أنها مناسبه ولك حرية الرأي

ولاتكثر الأسئله ترا تبي تحتار


إنت شف إنت وش تبي

راحه

ولا

سرعه

ولا

تفكك البنات

<<<<<<<< يبي يصفقونه السحالي

والله يوفقك


لاتنسانا من الهديه

رأي ببلاش أجل

[Take It Easy]

شف اخوي انا ابعطيك رائيي بالسيارات على حسب خبرتي :

الاكورد سيارة حلوة وعمليه وراسيه وخصوصا بالخطوط وانا مع راي اخوي خذ لك 4 سلندر اوفر بنزين

الافالون سيارة حلوة وجديده وموديلها اكه بس مشكلتها انها صناعه امريكيه وغير غاليه شوي :54455:

الكامري نصيحه ان كان ناوي على كامري فالصبر الصبر ترى موديل 2007 يبي يتغير جذريا وشكلها جنان احسن من الافالون وادخل موقعهم وناظر


الماكسيماسيارة حلوة وسريعه وخفيفه لكن خرابها واااااااااجد ومشاكلها ما تنتهى

الباسات 2006 الصراحه سيارة حلوة بس مشكلتها انه مكينتها ضعيفه 2.0 وانه وكيلها دمار شوي

اللكزس ES سيارة ممتازه بكل ماتعنيه هذي الكلمه من معان بس مدري يقولون انها بتتغير مع 2007 :(


وان كان تبي ياباني مستعمل وممتاز فانصحك باللكزس


ويالله يعطيك خيرها ويكفيك شرها مقدما :54455: :rose:

[ريلاكسينيو]

اولا ما قصروتوا كلكم ..
بس المشكلة ان الحيرة زادت الحين ؟؟؟!!!

شكلها ولا همر على قولة أشواق بس H3 هباااااال
بس مدري عن سعرة بكم ؟؟

وآخرتها في المعارض معربن على هايلكس Glx غمارتين .... والله يالنكبة

[r e c 0 o 0 o]

سعر الهمر H3 على ما اظن انه حول 120,000


والله يعطيك خيرها ويكغيك شرها <<<< قبل الزحمه


اخوكمكم / :cool: rec0o0o :cool:

[نيوووف]

اشتر لكزس es 350 2007

كل المواصفات الشبابيه فيها