المساعد الشخصي الرقمي

مشاهدة النسخة كاملة : مسـ مسـ مسـ ـجااات

Mr^KROG
06-29-2005, 05:08 AM
خلني في بالك وغيب اهم شي ابقى حبيب
وان حصل واحتجتني صدقني تلقاني قريب
تلقاني ظلك لو مشيت تلقاني دمعك لا بكيت
تلقاني بسمه لا رضيت فيني ظنك مايخـيب
منـي وعـــد اني اكون
الـصاحـب
الـوافــي
الحنـون


إن عاش راسي و اسعفتني سنيني
لروي ظمأ قلبي بقربك و اهنيه ..
و لو يزرعون الغام بينك و بيني
نذر علي لامشي لك الدرب و أطويه ..
و اشيل روحي فوق راحة يميني
و ابيع عمري لاجل شوفتك و اشريه ..


بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي


ولهت في لحظه عليك وقمت اسافر في ذكريـاتـــي
تذكرت لك معي وقفات خليتني ابتسم مااحاتـي
انت بطيب روحك تملك الناس 00 وبطيبتك تمحي كل معاناتي
صرت اشكر ربي عليك لانك من ارووع الناس في حياتـــي


ماهو جفا لوشفتني عنك ابطيت!!! عمر الجفا ماراود النفس يمك

بسم الغلا ساكن وبالقلب حليت !!! باقصى خفوقي مسكنك يوم ضمك

لامااتخلى عنك لو غبت وابطيت!!! غلاك يسري بي مثل سير دمك


قصيد مارحل يمك ولا جاك
يبقى حكي فاضي ولا فيه مضمون
انت الوفي يوم الوفى من سجاياك
وانت الغلا يوم الغلا فيك مجنون
وانت العزيز اللي على العز مرباك
وانت القصيد اللي على القاف موزون


تحياتي للجميع ...
MaTriX
06-29-2005, 05:14 AM
مشكور و ما قصرت على المسجات
الله لا يهينك يا الغالي
Mr^KROG
06-29-2005, 05:21 AM
ومن قال لا يهون اخوي ماتركس ويعطيك الف عافيه على مرورك لنا ..



تحياتي ,,
Mokl3
06-29-2005, 05:27 AM
مشكووووووووووررررر بروتوكول على المسيجااااات
Mr^KROG
06-29-2005, 05:32 AM
العفوووووووووووووووو اخوي مقلع ويعطيك العافيه على المرور ..



تحياتي ,,
أميــــرة البحر
07-06-2005, 01:47 AM
عجبني هذا المسج احسه قوي حيل

خلني في بالك وغيب اهم شي ابقى حبيب
وان حصل واحتجتني صدقني تلقاني قريب
تلقاني ظلك لو مشيت تلقاني دمعك لا بكيت
تلقاني بسمه لا رضيت فيني ظنك مايخـيب
منـي وعـــد اني اكون
الـصاحـب
الـوافــي
الحنـون

وتسلم على المسجات الحلوه وعلى مجهودك العظيم

دمت لنا بالف خير

اختك .. مطلع النور